بiرەگەيلiك پەن بىرلىكتى, ەتنوسارالىق كەلiسiمدi قامتاماسىز ەتۋدى كوزدەگەن شاراعا وڭىردەگى زيالى قاۋىم وكىلدەرى, «انالار كەڭەسىنىڭ» قۇرامى, وبلىستىق قحا قۇرىلىمدارىنىڭ جەتەكشىلەرى, وڭىردەگى ەتنومادەني بىرلەستىكتەردىڭ بەلسەندى مۇشەلەرى, اۋدان, قالا دەلەگاتسيالارى قاتىسادى.
دوڭگەلەنگەن داستارحان باسىندا بىرگە وتىرىپ, ادال استان ءدام تاتقان ادامداردىڭ دوستىق قارىم-قاتىناسى نىعايا تۇسەدى. ۇيىمداستىرۋشىلار «شارانىڭ ماقساتى جەڭىمپازدى انىقتاۋ ەمەس, بارشا ەتنوستاردى قوعامدىق باستامالارعا ۇيىستىرۋ ارقىلى مەملەكەت قۇراۋشى قازاق حالقىنىڭ ماڭايىنا توپتاستىرۋ», دەيدى.
ءبىزدىڭ ءوڭىرىمىز قولايلى كليماتپەن عانا ەمەس, سونداي-اق جومارتتىق پەن قوناقجايلىلىقپەن ەرەكشەلەنەدى. ءوڭىر باسشىسىنىڭ قۇتتىقتاۋىن جەتكىزگەن تۇركىستان وبلىستىق قازاقستان حالقى اسسامبلەياسى حاتشىلىعىنىڭ وكىلى مادينا كامەدەنوۆانىڭ ايتۋىنشا, ءداستۇرلى «قازاق داستارحاندارى» فەستيۆالى وڭىرىمىزدەگى ەتنوستار اراسىندا تاتۋلىق پەن دوستىقتىڭ ايعاعى.
-ء«بىزدىڭ مىندەتىمىز - قازاقتىڭ ۇلتتىق تاعامدارىن قايتا جانداندىرىپ قانا قويماي, قازاق مادەنيەتىمەن ءارتۇرلى ەتنومادەني ورتالىقتار قۇرۋ, ولاردى ءبىر باستامامەن بىرىكتىرۋ», - دەدى ول.
ءارتۇرلى ەتنوس وكىلدەرى قازاق ۇلتتىق تاعامدارىن دايىنداۋعا اتسالىسادى. ولار ەت اسىپ, داستارحان دايىنداپ, قوناقتاردى ۇلتتىق داستۇرمەن كۇتىپ الادى. بايقاۋ جەڭىمپازدارىن انىقتاۋعا اقساقالدار القاسى مەن زيالى قاۋىم وكىلدەرىنەن قۇرالعان قازىلار القاسى توراعالىق ەتەدى.
سايىسقا قاتىسۋشى ەتنوس وكىلدەرى «قازاق داستارحانى» دەگەندى قالاي تۇسىنەتىنىن, ءوز دەڭگەيىندە كورسەتە ءبىلدى.
ولاردىڭ ىشىنەن ۇزدىگىن انىقتاۋ دا وڭاي بولمادى. دەگەنمەن, قازىلار القاسى ءدامدى اسپەن بىرگە قازاقى سالت-سانانى دا بويىنا سىڭىرگەن ەتنوس وكىلدەرىنىڭ بارلىعىن سىي-قۇرمەتكە لايىق دەپ تانىدى.
«قازاق داستارحانى» فەستيۆالىنە تۇركىستان وبلىستىق ەتنومادەني بىرلەستىكتەر مەن قازاقستان حالقى اسسامبلەياسىنىڭ اۋدان قالالارداعى فيليالدارىنا جالپى 14 كوماندا (10 ەتنومادەني بىرلەستىك, 4 اۋداندىق فيليال ) قاتىسقان بولاتىن.
قازىلار القاسىنىڭ شەشىمىمەن باس جۇلدەگە وبلىستىق يران ەتنومادەني بىرلەستىگى لايىقتى دەپ تابىلدى. ءى ورىندى سايرام اۋداندىق فيليالى, ءىى ورىندى تۇرىك ەتنومادەني بىرلەستىگى مەن تاجىك ەتنومادەني بىرلەستىگى يەلەندى. ال, ءىىى ورىندى تولەبي اۋداندىق فيليالى, وزبەك جانە سلاۆيان ەتنومادەني بىرلەستىكتەرىنە بۇيىردى.سايىس جەڭىمپازدارىنا العىس حاتتار مەن قارجىلاي سىيلىقتار تابىستالدى.
بەرەكەلى جيىنعا قاتىسقان ءوڭىر تۇرعىندارى ەتنومادەني بىرلەستىكتەر جانىنداعى ونەر ۇجىمدارى دايىنداعان كونتسەرتتىك باعدارلامانى تاماشالاپ, ۇلتتىق تاعامدارىمىزدان ءدام تاتتى.
نۇرشات توكەن,
«ەگەمەن قازاقستان»
