بەتپاق دالا تابيعي القابىندا ورنالاسقان تاراز قالاسىن تالاس الاتاۋى, قاراتاۋ تاۋلارى مەن تەكتۇرماس بيىگى قورشاپ تۇر. تارازدىڭ اينالاسىندا دەمالىس ورىندارىن اشۋعا قولايلى كوپتەگەن كورىكتى جەرلەر, تاۋ شاتقالدارى, وزەن-كولدەر بولۋىنا قاراماستان, قالا تۇرعىندارى دەمالاتىن جەر تاپپاي قينالادى.
وتىرىس بارىسىندا جاۋاپتى ماماندار تاراز قالاسى باس جوسپارىن ىسكە اسىرۋ كەزەڭدەرى تۋرالى ايتتى. ءبىرىنشى كەزەڭدە جاڭا باس جوسپار جاسالىپ, قالا ماڭىنداعى اۋماقتاردى اباتتاندىرۋ جوباسى ازىرلەنەدى. ماماندار بايزاق جانە جامبىل اۋداندارى اۋماقتارىنىڭ وبلىس ورتالىعىنا جاپسارلاس جاتقان بولىكتەرىن قوسۋدى ۇسىندى.
ءوڭىر باسشىسى اسقار مىرزاحمەتوۆ ازىرگە جاڭا باس جوسپارعا قاجەتتىلىك جوقتىعىن ايتتى. بىراق زاڭنىڭ تالابى بويىنشا, كەزەكتە تۇرعان ازاماتتارعا وبلىستىڭ كەز كەلگەن نۇكتەسىنەن 0,01 گەكتار جەردى بەرۋگە بولاتىنىن ءبىلدىردى.
سونداي-اق الداعى ۋاقىتتا اتالعان اۋدانداردىڭ اۋماقتارىندا تۇرلىشە دەمالىس ورىندارىن اشۋ جوسپارلانعان.
