– اسەم كوشەنىڭ بويىندا ورنالاسقان كومپوزيتورلار ءۇيىنىڭ ءىشى تولعان قۇدىرەت ەدى عوي. نەبىر تالانتتى, قۇدىرەتتى سازگەرلەرىمىز, نەبىر قايتالانباس دارىندارىمىز وسىندا تۇردى. مىڭجاسار اعامىز دا سولاردىڭ بەل ورتاسىندا ءجۇردى. بۇگىنگى شارا ءۇشىن قالالىق اكىمدىككە زور العىس ايتقىم كەلەدى. بۇل دا سازگەردىڭ ەسىمىن تاريحتا قالدىرۋدىڭ جارقىن ۇلگىسى دەپ ەسەپتەيمىن, – دەيدى قازاقستاننىڭ حالىق ءارتىسى, مەملەكەتتىك سىيلىقتىڭ لاۋرەاتى ءسابيت ورازباەۆ.
مىڭجاسار ماڭعىتاەۆ حالقىنىڭ ءان ونەرىنە سىڭىرگەن ولشەۋسىز ەڭبەگى ءۇشىن 1998 جىلى قازاقستاننىڭ حالىق ءارتىسى اتاعىن الىپ, 2006 جىلى قازاقستان رەسپۋبليكاسى مەملەكەتتىك سىيلىعىنىڭ لاۋرەاتى اتاندى. كوپتەگەن سپەكتاكلدەر مەن مۋلتفيلمدەردى اۋەنمەن ارلەگەن قايراتكەردىڭ «قوزى مەن بايان» بالەتىنە, «اقساق قۇلان», «جايلاۋدا», «قاراتاۋ اۋەندەرى» سىندى حورعا ارنالعان پوەمالارى ونەر ولكەسىنە ايشىقتى ءىز سالعان شىعارمالار. ونىڭ ءۇش جۇزدەن استام اندەرى, ۆوكالدىق-حور, اسپاپتىق, سيمفونيالىق وراتوريا-كانتاتالارى, وركەسترلىك پوەما-سيۋيتالارى, كينوفيلمدەر مەن سپەكتاكلدەرگە جازعان مۋزىكالارى زامان تىنىسىن, ءومىر كەلبەتىن, دۇنيە سۇلۋلىعىن جىرعا قوستى.
ارمان وكتيابر,
«ەگەمەن قازاقستان»
الماتى
