مينيستر اتاپ وتكەندەي, تكش سالاسىنداعى مونوپوليستەردىڭ قىزمەتتەرىنە, جارىققا, كومىرگە, جىلۋمەن, سۋمەن, گازبەن جابدىقتاۋعا, كارىز جۇيەسىنە, تەلەفون بايلانىسىنا, ينتەرنەتكە, ليفتتەرگە قىزمەت كورسەتۋگە, قوقىس شىعارۋعا تاريفتەردى تومەندەتۋ ماقساتىندا ۇلتتىق ەكونوميكا مينيسترلىگى بىرقاتار شارالاردى قابىلدادى.
«بۇگىنگى كۇنى جىلۋمەن, سۋمەن جانە ەلەكتر ەنەرگياسىمەن جابدىقتاۋ سالاسىنداعى 32 مونوپوليست بويىنشا تاريفتەردى 20,3 ملرد تەڭگەگە, ونىڭ ىشىندە سوڭعى ەكى اپتادا 6 سۋبەكتى بويىنشا 1,9 ملرد تەڭگەگە تومەندەتۋ تۋرالى شەشىم قابىلداندى. مونوپوليستتەردىڭ نەگىزسىز العان كىرىستەرىن انىقتاۋ جانە ولاردى تۇتىنۋشىلارعا قايتارۋ ماقساتىندا 33 جوسپاردان تىس تەكسەرۋ اشىلدى. 24 جوسپاردان تىس تەكسەرۋ اشىلۋ الدىندا», — دەدى ت. سۇلەيمەنوۆ.
جىلۋمەن جابدىقتاۋ
الماتى وبلىسى: «جىلۋ جەلىلەرى» جشس 320 ميلليونعا 5 619,46-دان 5 604,85 تەڭگە/گكال-عا (-0,26%) تومەندەدى;
سۋمەن جابدىقتاۋ/سۇ بۇرۋ
الماتى وبلىسى: «قاپشاعاي سۋ ارناسى» مكك, 93 ميلليونعا, ونىڭ ىشىندە سۋمەن جابدىقتاۋ 87,92-دەن 75,34 تەڭگە/م3 (-14,31%), سۋ بۇرۋ 108,53-تەن 73,99 تەڭگە/م3 (-31,83%) تومەندەدى;
ەلەكترمەن جابدىقتاۋ
اقتوبە وبلىسى: «اقتوبەەنەرگوسناب» جشس, 314 ميلليونعا 14,39-دان 14,16 تەڭگە/كۆتس (-1,6%) تومەندەدى;
قىزىلوردا وبلىسى: «ەنەرگوسەرۆيس» جشس, 200 ميلليونعا 18,16-دان 17,9 تەڭگە/كۆتس (-3,67%) تومەندەدى;
الماتى وبلىسى: «جەتىسۋ ەنەرگوترەيد» جشس, 158 ميلليونعا 18,16-دان 17,9 تەڭگە/كۆتس (-1,43) تومەندەدى;
سولتۇستىك قازاقستان وبلىسى: «سولتۇستىك ەنەرگوورتالىق» جشس, 9,8 ميلليونعا 17,9-دان 16,78 تەڭگە/كۆتس (-6,6%) تومەندەدى.
مينيسترلىك سونىمەن قاتار, ەلەكتر ەنەرگياسىنا جانە گازعا ارنالعان كوتەرمە باعالاردى تومەندەتۋ جۇمىسىن جۇرگىزۋدە, بۇل سوڭعى تۇتىنۋشىلار ءۇشىن بولشەك باعالاردى تومەندەتۋگە مۇمكىندىك بەرەدى. ۇەم وبلىستاردىڭ جانە استانا, الماتى مەن شىمكەنت قالالارىنىڭ اكىمدىكتەرىمەن جىلۋمەن جابدىقتاۋ, سۋمەن جابدىقتاۋ, ەلەكتر ەنەرگياسىن تاراتۋ جانە جابدىقتاۋ, قوقىستى شىعارۋ, پاتەر يەلەرىنىڭ كووپەراتيۆى, ليفت قىزمەتتەرىنە, سونداي-اق اۆتوبۋس, تروللەيبۋس جانە ترامۆاي تاسىمالدارى قىزمەتتەرىنە باعالاردى تومەندەتۋ بويىنشا جۇمىستار جۇرگىزۋ قاجەتتىلىگى تۋرالى ماسەلەنى پىقىستاپ جاتىر.
ت. سۇلەيمەنوۆ اتاپ وتكەندەي, جامبىل وبلىسىنىڭ اكىمدىگىنىڭ اقپاراتى بويىنشا 2018 جىلدىڭ 1 جەلتوقسانىنان باستاپ كەلەسى قىزمەتتەردىڭ باعالارى تومەندەتىلەتىن بولادى:
پاتەر يەلەرىنىڭ كووپەراتيۆى قىزمەتتەرىنە 6,7% (15 تەڭگەدەن 14,1 تەڭگەگە);
قوقىس شىعارۋ قىزمەتتەرىنە 5% (99 تەڭگەدەن 94,4 تەڭگەگە);
ليفت قىزمەتتەرىنە 7% (770 تەڭگەدەن 715 تەڭگەگە).
مەملەكەت باسشىسىنىڭ حالىقپەن كەرى بايلانىس ۇيىمداستىرۋ بويىنشا تاپسىرماسىن ورىنداۋ ماقساتىندا حالىقپەن تۇرعىن-ءۇي شارۋاشىلىعى سالاسىنداعى پروبلەمالىق ماسەلەلەر جونىندە 1312 ادام قاتىسقان 48 قوعامدىق قابىلداۋ وتكىزىلدى. ت. سۇلەيمەنوۆ وتكىزىلىپ جاتقان قوعامدىق قابىلداۋلارعا قاتىسا المايتىن تۇتىنۋشىلار ءۇشىن «جەدەل جەلى» تەلەفوندارى جۇمىس ىستەيتىنىن حابارلادى. جەدەل جەلى تەلەفونى 8-8000-8000-12, قازاقستان بويىنشا قوڭىراۋ شالۋ تەگىن.
ورتا مەرزىمدىك شارالارعا قاتىستى, تاريف بەلگىلەۋدىڭ اشىقتىعىن جانە مونوپوليستتەردىڭ تاريفتىك سمەتالار مەن ينۆەستيتسيالىق مىندەتتەمەلەردى ورىنداۋىن كۇشەيتۋ ءۇشىن زاڭناماعا تۇزەتۋلەردىڭ ەكى توپتاماسى ازىرلەندى.
مونوپوليستەرگە تەكسەرۋلەر جۇرگىزۋ تەتىكتەرىن نىعايتاتىن جانە كاسىپكەرلىك كودەكسكە وزگەرىستەر ەنگىزۋدى تالاپ ەتەتىن تۇزەتۋلەر پارلامەنت ءماجىلىسىنىڭ قاراۋىنداعى بيزنەس ورتانى دامىتۋ جانە ساۋدا قىزمەتىن رەتتەۋ ماسەلەلەرى جونىندەگى زاڭ جوباسىندا الدىن الا قاراستىرىلاتىن بولادى.
