شىعىس قازاقستاندا اۋا-رايى قىسقا كۇندە قىرىق قۇبىلىپ تۇرعان جايى بار. بىرەسە قار, بىرەسە جاڭبىر. جۇرت «كوكتەم قايتا شىعىپ كەتتى مە؟» دەيىن دەسە, جاڭبىر ارتىنان توپەلەپ قار جاۋىپ, اياز قىسا تۇسۋدە. اياز سوڭى – كوكتايعاق. سونىڭ كەسىرىنەن بۇگىن سەمەي قالاسى مەن جارما اۋدانىندا ساباق توقتادى. سەمەيدە ءبىرىنشى اۋىسىم وقۋشىلارى ءۇشىن 1-9, جارمادا 1-11 سىنىپتارعا ساباقتار توقتاتىلدى. بۇل تۋرالى شقو تجد رەسمي سايتى حابارلادى. ساباق توقتاتىلمادى دەگەنىڭىز بولماسا, وسكەمەن كوشەلەرى دە كوكتايعاق. ءبىر قۋانارلىعى, ورتالىق كوشەلەردىڭ جولدارىنا قۇم سەبىلىپتى.
كوكتايعاق ءوز الدىنا, بىرنەشە كۇننەن بەرى وبلىستا بوران باسىلماي, جولدار جابىلۋدا. وبلىستىق توتەنشە جاعدايلار دەپارتامەنتىنىڭ ءباسپاسوز قىزمەتىنىڭ تاراتقان مالىمەتتەرىنە سۇيەنسەك, ءدال قازىرگى ۋاقىتتا وسكەمەن-تارعىن-سامار جول ۋچاسكەلەرىنىڭ 63-145, تەرەكتى-ۇرانقاي-توسقايىڭ باعىتىنىڭ 0-91, اۆتوبۋستار ءۇشىن «الماتى-وسكەمەن» باعىتىنىڭ 967-778 (قالباتاۋ-اياگوز) شاقىرىمدارى ۋاقىتشا جابىق.
ازامات قاسىم,
«ەگەمەن قازاقستان»
شىعىس قازاقستان وبلىسى
