قىزىل كرەستىڭ وكىلى پرەزيدەنت نۇرسۇلتان نازارباەۆتىڭ يادرولىق قارۋسىزدانۋداعى ءرولىن جانە بىرقاتار داعدارىستىق جاعدايلاردى رەتتەۋدەگى ەلىمىزدىڭ دەلدالدىق ارەكەتىن جوعارى باعالادى.
تاراپتار قازاقستاننىڭ قىزىل كرەستپەن ىنتىماقتاستىعىن, سيرياداعى جاعدايدى رەتتەۋدەگى استانا پروتسەسىنىڭ ۇلەسىن, اۋعانستانعا گۋمانيتارلىق كومەك, قاقتىعىس ايماقتارىنداعى حقكك-نىڭ دەلدالدىق قىزمەتىن جانە ەلىمىزدىڭ بۇۇ قاۋىپسىزدىك كەڭەسىنىڭ قۇرامىنداعى جۇمىس تاجىريبەسىن ەسكەرە وتىرىپ, بولاشاق ءوزارا ىنتىماقتاستىقتىڭ ماسەلەلەرىن تالقىلادى.
ق. ءابدىراحمانوۆ ەلباسىنىڭ جاقىنداعى باستاماسى - ۇزدىك ەلدەر اراسىنداعى ەكونوميكالىق, ساياسي قارسىلاستىقتاردىڭ احۋالدى ماسەلەلەرىن شەشۋ ماقساتىندا قىتاي, اقش, رەسەي, جانە ەۋروپا وداعى اراسىنداعى ديالوگتى جاقسارتۋ ءۇشىن بۇۇ-نىڭ ارنايى سەسسياسى فورماتىنداعى كەزەدەسۋدى استانادا وتكىزۋگە بولاتىندىعىن اتاپ ءوتتى. بۇنداي ديالوگ سانكتسيالىق جانە ساۋدا قارسىلاستىعىن جويۋدى, سەنىم ورناتۋ, تۇراقتى دامۋدى قامتاماسىز ەتۋ, كەدەيشىلىكتى جويۋ, دامىپ كەلە جاتقان الەمگە قولعابىس كورسەتۋ ماقساتىندا تەرروريزمگە جانە باسقا دا زاماناۋي تەگەۋرىندى تالاپتار مەن قاتەرلەرگە قارسى كۇرەستى كوزدەيدى.
ق. ءابدىراحمانوۆ قازاقستانداعى قىزىل كرەست وكىلدىگىن اشۋ تۋرالى قر ۇكىمەتى مەن حقكك اراسىنداعى كەلىسىمدى راتيفيكاتسيالاۋ ءۇردىسىنىڭ اياقتالۋ ۇستىندە ەكەندىگىن حابارلادى. حقكك وكىلدىگىنىڭ اشىلۋى قازىرگى كەزدەگى بار وڭتايلى ىنتىماقتاستىق تاجىريبەسىن جالعاستىرادى, جاڭا كورىنىستەر الادى جانە پراكتيكالىق قادامدارعا اكەلەدى دەگەن ءۇمىت ءبىلدىردى.
حقكك ۆيتسە-پرەزيدەنتى سىرتقى ىستەر مينيسترلىگىنە قازاقستانداعى كوميتەت جۇمىسىنا قولداۋ كورسەتەتىندىگىنە العىس ءبىلدىردى. سونىمەن قاتار, ۇلتتىق جانە وڭىرلىك دەڭگەيلەردە, سونىڭ ىشىندە اۋعانستاندا بىرلەسكەن جوبالاردى ىسكە اسىرۋدا, قازاقستاندىق بىتىمگەرشىلەردى دايىنداۋدا, قۇقىق قورعاۋ ورگاندارىنىڭ قىزمەتكەرلەرىن وقىتۋدا ءوزارا ىنتىماقتاستىقتى كەڭەيتۋگە دايىن ەكەندىگىن اتاپ ءوتتى.
ج. كاربونەنىڭ استاناعا ساپارى بارىسىندا قر سىرتقى ىستەر مينيسترلىگى, حالىقارالىق قىزىل كرەست كوميتەتى جانە قازاقستانداعى شۆەيتساريا كونفەدەراتسياسىنىڭ ەلشىلىگى بىرلەسىپ العاش رەت قر قازاق تىلىنە اۋدارىلعان 1949 جىلعى جەنەۆا كونۆەنتسيالارىن جانە وعان قوسىمشا حاتتامالاردىڭ تۇساۋكەسەرىن وتكىزدى.
سونداي-اق تۇساۋكەسەرگە مەملەكەتتىك ورگانداردىڭ, ديپلوماتيالىق كورپۋستىڭ, جوعارعى وقۋ ورىندارىنىڭ وكىلدەرى, قازاقستاندىق جانە شەتەل باق وكىلدەرى قاتىستى.
