مەتەورولوگتاردىڭ مالىمدەۋىنشە, سوڭعى رەت مۇنداي ەرتە قىس يسپانيادا 10 جىل بۇرىن بولعان. اۋا رايىنىڭ كۇرت وزگەرۋى قالا قىزمەتىنىڭ ءبىراز جۇمىسىن توقتاتتى. اۆتوجولدار جابىلىپ,تەمىرجول قاتىناسى توقتاتىلدى. يسپانيانىڭ سولتۇستىگى مەن بالەار ارالدارىندا 53 مىڭعا جۋىق ادام ەلەكتر جارىعىنسىز قالدى.استۋريانىڭ كەيبىر مەكتەپتەرىندە ساباقتار توقتاتىلدى. جەرگىلىكتى تۇرعىندار قىس مەزگىلىنە الى دايىن ەمەس ەدىك دەيدى.
پيرەنەيگە سەرۋەندەۋگە شىققان 57 جاستاعى ەر ادام مەن 43 جاستاعى ايەل ادام اداسىپ كەتكەن. دەگەنمەن ولاردى قۇتقارۋ توبى دەرەۋ تاپتى. ال دۇيسەنبىدە گاليسيادا سپورتتىق بالىق اۋلاۋ كەزىندە جوعالىپ كەتكەن ەر ادام ءالى ىزدەستىرىلىپ جاتىر. الدىن الا بولجام بويىنشا, بالىقشى سۋعا قۇلاپ كەتۋى مۇمكىن.
اۋا رايى قولايسىزدىعىنان يسپانيانىڭ 29 ەلدى مەكەنىندە قاۋىپتىلىكتىڭ جوعارى دەڭگەيى جاريالاندى.
