ۇستىمىزدەگى جىلدىڭ ءساۋىر ايىندا سەناتور ەدىل مامىتبەكوۆتىڭ جانە ونى قولداپ قول قويعان ءبىر توپ سەنات دەپۋتاتىنىڭ ساۋالى ۇكىمەتكە جولدانعان ەدى. وندا سەناتورلار ۇكىمەتتىڭ 2015 جىلدىڭ 30 جەلتوقسانداعى قاۋلىسىنا سايكەس باسىمدى تارتىپپەن جەكەشەلەندىرىلەتىن رەسپۋبليكالىق مەنشىكتەگى ءىرى ۇيىمدار تىزىلىمىنەن ينۆەستيتسيالار جانە دامۋ مينيسترلىگىنىڭ قاراماعىنداعى «كاسىبي اسكەريلەندىرىلگەن اۆاريالىق-قۇتقارۋ قىزمەتى» رەسپۋبليكالىق مەملەكەتتىك كاسىپورىنىن (رمك) شىعارىپ تاستاۋدى سۇراعان بولاتىن. كاسىبي قۇتقارۋ قىزمەتى جەكەشەگە بەرىلسە, ول اقشا تابۋدى عانا كوزدەپ, مەملەكەتكە تيىمدىلىگى از بولاتىندىعى العا تارتىلعان ەدى.
وسى دەپۋتاتتىق ساۋالعا ۇكىمەت تاراپىنان اتالعان ماسەلە ەكونوميكانى جاڭعىرتۋ جونىندەگى مەملەكەتتىك كوميسسيا وتىرىسىندا قارالىپ, «كااقق» رمك م ۇلىكتىك كەشەن رەتىندە ەكى كەزەڭدى پروتسەدۋرالىق كونكۋرس بويىنشا ساتىلاتىنى جونىندە جاۋاپ بەرىلگەن بولاتىن.
بۇل جاۋاپ دەپۋتاتتاردى قاناعاتتاندىرعان جوق, ونى ماسەلەنىڭ مانىسىنە بويلاماي كەزەكتى جالتارما جاۋاپ دەپ باعالاعان سەناتورلار ەكىنشى رەت ساۋال جولداعان. ۇكىمەتتىڭ جاۋابىن تالداعان دەپۋتاتتار: «كااقق» رمك-نىڭ باسەكەلەستىك نارىعىن ارتتىرۋعا قالاي اسەر ەتەتىندىگى جاۋاپتا اشىپ كورسەتىلمەگەن. سونىمەن قاتار اپاتتىق-قۇتقارۋ قىزمەتىندە قازىردىڭ وزىندە 42 جەكەمەنشىك كاسىپورىن بار ەكەندىگى ايتىلعان. ءسويتىپ سەناتورلار ۇكىمەت باسشىسى ب.ساعىنتاەۆقا ماسەلەنى ەكىنشى رەت قاراۋدى ۇسىنعان ەدى.
ساۋالعا ۇكىمەتتەن تاعى دا جاۋاپ كەلدى. وندا پرەزيدەنتتىڭ 2018 جىلدىڭ 10 قاڭتارىنداعى ء«تورتىنشى ونەركاسىپتىك رەۆوليۋتسيا جاعدايىنداعى دامۋدىڭ جاڭا مۇمكىندىكتەرى» اتتى جولداۋىندا جەكەشەلەندىرۋ جوسپارىن تەزىرەك جۇرگىزىپ, مەملەكەتتىك ورگانداردىڭ ۆەدومستۆولىق ۇيىمدارىن قىسقارتۋ تالاپ ەتىلگەنى ايتىلادى. قازىر وسى مىندەت جاپپاي ورىندالىپ, كاسىپكەرلىك قىزمەتتەرگە مەملەكەتتىڭ قاتىسۋىن قىسقارتۋ جۇمىستارى قىزۋ ءجۇرىپ جاتىر. سونىڭ ىشىندە كۆازيمەملەكەتتىك سۋبەكتىلەردىڭ ءتىزىمى جاسالىپ, ولار باسەكەلەستىك ورتاعا بەرىلۋدە نەمەسە جويىلۋدا. قازاقستان رەسپۋبليكاسىنىڭ كاسىپكەرلىك كودەكسىنىڭ 21-بابىندا جەكە كاسىپكەرلىك پەن باسەكەلەستىكتى دامىتۋ ماقساتىمەن مەملەكەت كاسىپكەرلىك سالاسىنداعى زاڭدى تۇلعالاردىڭ جارعىلىق كاپيتالىنداعى مەملەكەتتىڭ قاتىسۋىن قىسقارتۋ كوزدەلگەن. الايدا وسى كودەكستىڭ 192-بابىندا مەملەكەتتىڭ كاسىپكەرلىككە قاتىسۋىنىڭ ء(تيىستى تاۋارلىق رىنوكتا جەكەمەنشىك سۋبەكتىلەرىنىڭ بولماۋى) نەگىزدەرى كورسەتىلگەن. ال «كااقق» رمك كودەكستىڭ بۇل نورماسىنا سايكەس كەلمەيدى. ويتكەنى اپاتتىق-قۇتقارۋ جۇمىستارى نارىعىندا جەكەمەنشىك قىزمەتتەر ارەكەت ەتىپ, ولار باسەكەلەستىكتى ارتتىرىپ, باعانى تۇسىرۋگە ۇلەس قوسۋدا.
سوندىقتان ۇكىمەتتىڭ 2018 جىلدىڭ 16 شىلدەدەگى №428 قاۋلىسىمەن «كااقق» رمك ەكى كەزەڭدىك ادىسپەن كونكۋرس ارقىلى ساتۋعا قويىلدى. سونىمەن بىرگە كونكۋرس شارتى بويىنشا جۇمىس ورىندارىنىڭ سانى جانە قىزمەت تۇرلەرى ساقتالادى.
سونىمەن بىرگە جاۋاپتا قازىر اپاتتى جاعدايلاردىڭ سانى ازايا تۇسكەنى ايتىلعان. ماسەلەن, ول 2010 جىلمەن سالىستىرعاندا 2017 جىلى 68 پروتسەنتكە ازايدى دەلىنگەن وندا.
جاقسىباي سامرات,
«ەگەمەن قازاقستان»
