ەلىمىزدەگى مەملەكەتتىك ورگاندار مەن قوعامدىق ينستيتۋتتاردىڭ كۇنى بۇگىنگە دەيىن نورماتيۆتىك شىعارماشىلىق سالاسىندا جەمقورلىققا قارسىلىق تۇرعىسىندا ءتيىمدى شارالار, ادىستەر مەن مەحانيزمدەر ۇيىمداستىرۋدا بەلگىلى ءبىر دەڭگەيدە تاجىريبە جيناقتاعانى انىق. الايدا وسى جەتىستىكتەردى باعالاي كەلە, بۇل تاراپتاعى ءالى دە جەتىلدىرە, تولىقتىرا ءتۇسۋدى تالاپ ەتەتىن بىرقاتار ماسەلەلەر مامانداردى ءبىرازدان بەرى تولعاندىرىپ كەلەدى. سوندىقتان دا, ءىس جۇزىندەگى ناتيجەلەرگە تالداۋ جۇرگىزۋدى رەتتەيتىن ەرەجەلەردىڭ بولماۋى جانە وسى ىستەردى جۇزەگە اسىرۋعا بولىنەتىن بيۋدجەتتىك قاراجاتتى ءتيىمدى پايدالانۋدى مۇقيات قاداعالاۋ سەكىلدى تاعى دا باسقا وزەكتى ماسەلەلەر توڭىرەگىندە كەڭىنەن اڭگىمە قوزعالدى. «جاڭارۋ» قوعامدىق بىرلەستىگىنىڭ توراعاسى, مەملەكەت قايراتكەرى ورالباي ابدىكارىموۆ دوڭگەلەك ۇستەل بارىسىنداعى اڭگىمەنىڭ نەگىزگى باعىتتارىن جۇيەلەپ, قوناقتارعا كەزەك-كەزەگىمەن ءسوز بەرىپ, تانىستىرىپ وتىردى.
استانالىق مەملەكەتتىك قىزمەت سالاسىنداعى ايماقتىق حاب باسقارۋ كوميتەتىنىڭ توراعاسى ءاليحان بايمەنوۆ وسى سالاداعى قۇقىقتىق نورماتيۆتىك اكتىلەرگە بايلانىستى بىرقاتار ماسەلەلەرگە توقتالدى. ەقىۇ-نىڭ استاناداعى كەڭسەسىنىڭ باسشىسى سابا دەرد مىرزا جەمقورلىققا قارسى كۇرەستىڭ حالىقارالىق ماڭىزى مەن تاجىريبەلەرى تۋرالى ءسوز قوزعاسا, «ەكسپەرتيزا جانە جاڭا تەحنولوگيالار عىلىمي-وندىرىستىك ينستيتۋتى» جشس ديرەكتورى م.ساندارچۋك ارنايى بايانداما جاسادى. دوڭگەلەك ۇستەلگە قر پارلامەنت ءماجىلىسىنىڭ ارنايى ءىس-ساپارمەن كەلگەن دەلەگاتتارى قاتىسىپ وتىردى.
نۇرعالي وراز,
«ەگەمەن قازاقستان»
