قر مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگىنىڭ ماڭعىستاۋ وبلىسى بويىنشا دەپارتامەنتىنىڭ باسشىسى, ادەپ جونىندەگى كەڭەس ءتورايىمى نۇرگۇل جاننازاروۆانىڭ ايتۋىنشا, قازىرگى بوس ورىندار سانى - 95, ال وتكەن جىلدىڭ وسى كەزەڭىمەن سالىستىرعاندا بۇل كورسەتكىش 166 بولاتىن. تازا اۋىسىمدىلىق سانى 2,3-ەسەگە جۋىق ازايعان. جالپى كونكۋرس بويىنشا ءبىر ورىنعا 1,9 ادامدى قۇرادى.
ماسەلەن, جالپى كونكۋرس بويىنشا وبلىستىق مەملەكەتتىك ساتىپ الۋ باسقارماسىندا جاريالانعان باس مامانىنا 14 ۇمىتكەر, يندۋستريا جانە يننوۆاتسيا باسقارماسى جاريالانعان بوس ورىنعا 13 ۇمىتكەر, دەنساۋلىق ساقتاۋ باسقارماسى جاريالاعان بوس ورىنعا 8 ۇمىتكەر, مادەنيەت باسقارماسىندا كادر ءبولىمىنىڭ باس مامانىنا جاريالانعان ورىنعا 8 ۇمىتكەر, مۇنايلى اۋدانى قىزىلتوبە اۋىلدىق وكرۋگى اكىمىنىڭ اپپاراتى باس مامانىنا جاريالانعان لاۋازىمعا 5 ۇمىتكەر, اقتاۋ قالاسىنىڭ اكىمدىگى كوممۋنالدىق-شارۋاشىلىق سەكتورىنىڭ باس مامانىنا 9 ۇمىتكەر قۇجات تاپسىرعان.
وتكەن جىلمەن سالىستىرعاندا, تەستىلەۋدەن وتۋگە نيەت بىلدىرگەن ۇمىتكەرلەردىڭ سانى 1,9 ەسەگە ءوسىپ وتىر. بۇل, مەملەكەتتىك قىزمەتشىلەردىڭ ەڭبەكاقى تولەۋدىڭ جاڭا جۇيەسىنىڭ ەنگىزىلۋىمەن وبلىس تۇرعىندارىنىڭ مەملەكەتتىك قىزمەتكە دەگەن قىزىعۋشىلىعىنىڭ ارتقاندىعىن كورسەتىپ وتىر.
سونىمەن بىرگە, ەسەپتىك كەزەڭنىڭ قورىتىندىسى بويىنشا جۇرگىزىلگەن قۇپيا ساۋالناماعا پيلوتتىق جوبا ەنگىزىلگەن جەرگىلىكتى اتقارۋشى ورگاندارىنىڭ 1051 قىزمەتشىسى قاتىسىپ, جاڭا ەڭبەكاقى تولەۋ جۇيەسىنە تولىقتاي كەلىسەتىندىگىن جانە وڭ باعا بەرەتىندىگىن بىلدىرگەن.
ماڭعىستاۋ وبلىسى اكىمى اپپاراتى باسشىسىنىڭ ورىنباسارى اسەل بالمانوۆانىڭ ايتۋىنشا, جىل باسىنان فاكتورلى-بالدىق شاكىل نەگىزىندە ماڭعىستاۋ وبلىسىنىڭ جەرگىلىكتى اتقارۋشى ورگاندارىنىڭ مەملەكەتتىك قىزمەتشىلەرىنە ەڭبەكاقى تولەۋدىڭ پيلوتتىق جوباسى ەنگىزىلگەننەن باستاپ وڭ ديناميكا بايقالادى.
دايىندىق جۇمىستارى كەزىندە الدىمەن باسشى جانە ورىنباسارى, اكىم جانە ورىنباسارى, باسشى جانە ورىنداۋشى, ورىنداۋشى جانە ورىنداۋشى اراسىنداعى قايتالاما فۋنكتسيالاردى انىقتاۋ مىندەتى تۇرعان. 164 مەملەكەتتىك ورگانداردىڭ ەرەجەلەرىنە جانە 1285 لاۋازىمدىق نۇسقاۋلىقتارعا تالداۋ جۇرگىزۋ ءۇشىن 2 اي ۋاقىت كەتكەن. فاكتورلى-بالدىق شاكىلدى ەنگىزۋمەن قاتار, اعىمداعى جىلدىڭ قاڭتار-ماماىر ايلارى ارالىعىندا وبلىستىق, اۋداندىق, قالالىق جانە اۋىلدىق اكىمدىكتەردىڭ, باسقارمالاردىڭ بارلىق ەرەجەلەرى مەن لاۋازىمدىق نۇسقاۋلىقتارىن دەڭگەيلەرگە سايكەس كەلتىرۋ 5 اي ۋاقىت العان.
ەڭبەكاقى ورتاشا ەسەپپەن 2,5 ەسە ءوسىپ, بوس ورىندار سانى 65,7% قىسقارعان, تازا اۋىسىمدىلىق 2 ەسە تومەندەپ, ەڭبەك شارتىمەن قىزمەت ەتىپ جۇرگەندەر 84 بىرلىككە قىسقارتىلىپ, مەملەكەتتىك قىزمەتكە ۇمىتكەرلەر سانى 206 % وسكەن. سونداي-اق, مەملەكەتتىك كورسەتىلەتىن قىزمتەتتەر سانى 3 ەسە ءوسىپ, مەملەكەتتىك كورسەتىلەتىن قىزمەتتەردىڭ ساپاسىنا كەلىپ تۇسكەن شاعىمداردىڭ سانى 4 ەسە ازايعان, باسشىلىق لاۋازىمدار سانى ازايىپ, ورىنداۋشىلىق لاۋازىمدار ءوسىپ وتىر.
