ءال-فارابي اتىنداعى قازۇۋ باسەكەگە قابىلەتتىلىگىن ارتتىرۋ مەن الەمنىڭ 200 ۇزدىك ۋنيۆەرسيتەتتەرىنىڭ قۇرامىنا ەنۋ ماقساتىندا ءارى مەملەكەت باسشىسىنىڭ تاپسىرمالارىن جۇزەگە اسىرۋ باعىتىنداعى بەلسەندى جۇمىستاردى جولعا قويعان. ۋنيۆەرسيتەتتەگى وقۋ باعدارلامالارىنىڭ 90%-ى حالىقارالىق اگەنتتىكتەردىڭ اككرەديتاتسياسىنان وتكەن. ال بىرقاتار وقۋ باعدارلامالارى «EUR-ACE® Label» ەۋروپالىق ساپا بەلگىسىن يەلەنگەن. قوس ديپلوم جۇيەسى بويىنشا جەتەكشى شەتەلدىك جوعارى وقۋ ورىندارىمەن 70-تەن اسا باعدارلامانى جۇزەگە اسىرىپ وتىرعان بىردەن-ءبىر ۋنيۆەرسيتەت. جىل سايىنعى ەسەپتى كەزدەسۋى بارىسىنەدا وسىنداي كورسەتكىشتەرمەن بولىسكەن ۇلتتىق ۋنيۆەرسيتەت رەكتورى عالىمقايىر مۇتانوۆتىڭ ايتۋىنشا, ۇزدىك جوو قاتارىنا ىلىگۋ ەلىمىز ايماقتارىنىڭ دامۋىنا, ەكونوميكانىڭ جەتەكشى سالالارىن بىلىكتى ماماندارمەن قامتاماسىز ەتۋگە مۇمكىندىك بەرەدى.
وسى دەرەكتەردىڭ قاتارىندا ۋنيۆەرسيتەت باسشىسى عالىمدار ۇجىمىنىڭ, وقىتۋشىلار قۇرامى جانە ستۋدەنتتەردىڭ الدىندا تۇرعان ستراتەگيالىق مىندەتتتەر تۋرالى ەگجەي-تەگجەيلى بايانداپ بەردى. قازۇۋ الەمدىك دەڭگەيدەگى زەرتتەۋ ۋنيۆەرسيتەتىنە ترانسفورماتسيالانۋ باعىتىمەن ماقساتتى تۇردە كەلە جاتقانى اتالىپ ءوتتى. بيىل ۋنيۆەرسيتەت QS حالىقارالىق رەيتينگىسىندە تاعى دا العا جىلجىپ, الەمنىڭ ەڭ ۇزدىك جوعارى وقۋ ورىندارى اراسىندا 220-ورىنعا يە بولدى. بۇل توپقا تمد ەلدەرىنەن قازۇۋ مەن لومونوسوۆ اتىنداعى ممۋ ەنگەن.
ەكونوميكانى جاڭعىرتۋ جانە وندىرىسكە مامانداردى دايارلاۋعا باعىتتالعان 4.0 مەملەكەتتىك دامۋ باعدارلاماسى اياسىندا وسى وقۋ جىلىندا ۋنيۆەرسيتەتتە «ە-كوممەرتسيا», «ساندىق لينگۆيستيكا», «BIG DATA», «جاساندى ينتەللەكت», «گەوينفورماتيكا», «ينتەرنەت بۇيىم», «بيوينفورماتيكا» جانە ت.ب. جاڭا ءبىلىم بەرۋ باعدارلامالارى ەنگىزىلىپ وتىر. سونداي-اق, احقو جانە بەنحاليف ۋنيۆەرسيتەتىمەن (كاتار) بىرلەسە يسلام قارجىسى جانە بانكينگ بويىنشا باعدارلامالار ەنگىزىلۋدە. اعىلشىن تىلىندە 162 ماماندىق وقىتىلادى.
ۋنيۆەرسيتەت الدىڭعى قاتارلى تاجىريبەلەر ورتالىعىنا, يننوۆاتسيا مەن ناقتى ءوندىرىستىڭ, عىلىم مەن ءبىلىمنىڭ ورتاق ترانسفەرتىنە اينالۋدا. ءىرى جوعارى تەحنولوگيالىق كورپوراتسيالار ۋنيۆەرسيتەتتىڭ زەرتتەۋ جانە ءبىلىم بەرۋ جۇمىستارىنا قارقىندى اتسالىسادى. «Hewlett-Packard», «Cisco», «Koniسa Minolta», «Fujitsu», «Samsung», «Alcatel», «Microsoft», «لابوراتوريا كاسپەرسكوگو», «Huawei», «SAP» جانە ت.ب. الەمدىك كومپانيالاردىڭ 16 عىلىمي ءبىلىم بەرۋ ورتالىقتارى ءساتتى جۇمىس اتقارۋدا.
وسى كەزدەسۋدە ۋنيۆەرسيتەت رەكتورى باق وكىلدەرىنىڭ, وقىتۋشىلاردىڭ, ستۋدەنتتەردىڭ جانە اتا-انالارىنىڭ سۇراقتارىنا جاۋاپ بەرىپ, ۇسىنىستار بويىنشا ارنايى نۇسقاۋلار جاسالدى.
ەلۆيرا سەرىكقىزى,
«ەگەمەن قازاقستان»
الماتى
