akipress.org
«قىرعىز جەرىنىڭ مارجانى ىستىق كولدىڭ جاعاسىندا ءۇشىنشى دۇنيەجۇزىلىك كوشپەندىلەر ويىندارىنىڭ اشىلۋىنا كەلگەندەرىڭىز ءۇشىن العىسىمىز شەكسىز. اپپاق قارداي الاتاۋدىڭ ەلى, ماناستىڭ وتانىنا, قوناقجاي جانە ەركىن سۇيگىش قىرعىز ەلىنە قوش كەلدىڭىزدەر», دەدى س.جەەنبەكوۆ.
سونداي-اق كوشپەندىلەر ويىندارىنىڭ تۇركىتىلدەس مەملەكەتتەر ىنتىماقتاستىق كەڭەسىنىڭ سامميتىمەن تۇسپا-تۇس كەلىپ وتىرعانىنا توقتالدى. وسى ورايدا, س.جەەنبەكوۆ اشىلۋ سالتاناتىنا قازاقستان پرەزيدەنتى نۇرسۇلتان نازارباەۆتىڭ قاتىسۋى زور قۋانىش ەكەنىن اتاپ ءوتتى. سونىمەن قاتار جيىنعا كەلگەن باسقا دا مەيماندارعا العىسىن ءبىلدىردى.
ءوز سوزىندە س.جەەنبەكوۆ III دۇنيەجۇزىلىك كوشپەندىلەر ويىندارىن اشىق دەپ جاريالادى. وسىنداي شارالاردىڭ تاتۋلىق پەن دوستىقتى نىعايتۋعا زور ۇلەس قوساتىنىن مالىمدەدى.
