تۇتاستاي العاندا بيىل اقتوبە ايماعىندا 26 مەكتەپتىڭ قۇرىلىسى قىزۋ ءارى توقتاۋسىز جۇرگىزىلۋدە. اتالعان ءبىلىم بەرۋ نىساندارى تولىقتاي ىسكە قوسىلعان كەزدە ون مىڭنان استام وقۋشىنىڭ جاڭا ءبىلىم بەرۋ ستاندارتتارىنا ساي زاماناۋي قۇرال-جايۋدىقتارمەن جابدىقتالعان ساۋلەتتى ورىندا ءبىلىم الۋىنا مۇمكىندىكتەر تۋماق. سونىمەن بىرگە وڭىردە مەكتەپ عيماراتتارىنا جاسالاتىن جاي جانە كۇردەلى جوندەۋ جۇمىستارى بۇرىن-سوڭدى بولماعان دەڭگەيدە تىڭ سەرپىن الدى. جەتپىسكە تارتا ءبىلىم نىساندارى جاڭا وقۋ جىلىنا دەيىن قايتادان جاڭعىرتىلعانى الدىڭعى پىكىرىمىزدىڭ ايعاعى. بۇعان جۇمسالعان قاراجات مولشەرى 2 ميلليارد تەڭگەگە جۋىق.
جالپى ءبىلىم بەرۋ مەكەمەلەرىن جاڭا وقۋ جىلىنا ازىرلەۋ تەك بىرىڭعاي جاڭا مەكتەپ عيماراتتارىن پايدالانۋعا بەرۋمەن, نەمەسە وعان كۇردەلى جوندەۋلەر جۇرگىزۋمەن شەكتەلمەيدى. بل كەشەندى ءارى ۇزدىكسىز ۇدەرىس. وسى ورايدا 2018-2019 وقۋ جىلىندا مەكتەپ وقۋشىلارى پايداانۋعا قاجەتتى وقۋلىقتاردى جەتكىزۋ ءىسى دە بەلگىلەنگەن كەستەگە ساي رەتىن تاپتى. ءارى مەكتەپتەردىڭ ماتەريالدىق-تەحنيكالىق بازاسىن ودان ءارى جاڭعىرتۋ باعىتاندا دا قولدا بار بارلىق مۇمكىندىكتەر مەن الەۋەتتەر قاراستىرىلدى. بۇعان قوسا وبلىستاعى بارلىق ءبىلىم بەرۋ مەكەمەلەرىن سپورتتىق قۇرال-جابدىقتارمەن قامتۋ جونىندە قاجەتتى شەشىمدەر الىنعان. بۇل جونىندە گازەت تىلشىسىنە اقتوبە وبلىستىق ءبىلىم باسقارماسىنىڭ باسشىسى ءلاززات ورازباەۆا ايتىپ بەردى.
تەمىر قۇسايىن,
«ەگەمەن قازاقستان»
اقتوبە
