الماتى پروكۋرورى بەرىك جۇيرىكتاەۆ دەنيس تەندى ءولتىردى دەگەن كۇدىكتىنىڭ ەسىمىن اتادى.
ۆەدومستۆو مالىمەتىنشە, ول قىلمىسىن مويىندادى. ۇستالعان كۇدىكتىنىڭ اتى-ءجونى - قياسوۆ نۇرالى داۋلەتبەك ۇلى. كۇدىكتى 1994 جىلى دۇنيەگە كەلگەن, جامبىل وبلىسىنىڭ تۋماسى.
«1994 جىلى جامبىل وبلىسىندا تۋعان قياسوۆ نۇرالى ۇستالدى. ول ءوزىنىڭ جاساعان قىلمىسىن مويىندادى, وسى ىسكە ادۆوكات قاتىسىپ وتىردى. ول ۋاقىتشا ۇستاۋ يزولياتورىنا قامالدى. ەكىنشى كۇدىكتىنىڭ دە كىم ەكەنى انىقتالدى. قازىر ونى ىزدەستىرۋ جۇمىستارى ءجۇرىپ جاتىر», دەدى پروكۋرور بەرىك جۇيرىكتاەۆ باق وكىلدەرىمەن بولعان بريفينگتە.
قازىرگى ۋاقىتتا سوتقا دەيىنگى تەرگەۋ قر قك 99 بابى 2 بولىگى بويىنشا ءجۇرىپ جاتىر.
ايتا كەتەيىك, تانىمال قازاقستاندىق مانەرلەپ سىرعاناۋشى دەنيس تەن پىشاق جاراقاتىمەن اۋرۋحاناعا 19 شىلدە كۇنى ءتۇس كەزىندە جەتكىزىلدى. الماتى قالالىق ءىىد-ءنىڭ مالىمەتتەرى بويىنشا, بەلگىسىز بىرەۋلەر سپورتشىنىڭ كولىگىنىڭ ايناسىن ۇرلاماق بولعان. وقيعانىڭ ۇستىنەن تۇسكەن سپورتشىنى ۇرىلار جامباسىنان جاراقاتتاعان. سپورتشى 3 ليتر قان جوعالتقان. وسى وقيعادان ەكى ساعاتتان كەيىن الماتىداعى ورتالىق قالالىق كلينيكالىق اۋرۋحانادا دەنيس تەننىڭ قايتىس بولعاندىعى تۋرالى سۋىت اقپارات حابارلاندى.
