باعدات سايلانباي ۇلىنىڭ ايتۋىنشا, بارلىعى 557 جوسپاردان تەكسەرۋ جۇرگىزىلگەن. باقىلاۋدىڭ وزگە تۇرلەرى شەڭبەرىندە 1 028 تەكسەرۋ جۇمىستارى اتقارىلىپ, كەتكەن زاڭ بۇزۋشىلىقتاردى جويۋعا 344 نۇسقاما بەرىلدى, سونىمەن قاتار تەحنيكالىق قاداعالاۋ قىزمەتىنە 2 435 تەكسەرۋ جۇرگىزىلگەن.
باسقارما ينسپەكتورلارى 91,1 ملن. تەڭگە كولەمىندە ايىپپۇل سالىنعان 720 حاتتاما تولتىرىپ, ونىڭ ىشىندە 78,8 ملن. تەڭگە نەمەسە 86 پايىزى تولەنگەن.
ال تولەنبەگەنى 12,3 ملن. تەڭگە كولەمىندە (ونىڭ ىشىندە 6,8 ملن. تەڭگە ءوز ەركىمەن تولەۋ مەرزىمى بار, 5,1 ملن. تەڭگە ءماجبۇرلى تۇردە وندىرۋگە جىبەرىلدى, 0,4 ملن. تەڭگە تولەۋ مەرزىمى ۇزارتىلدى).
الماتى قالاسىنىڭ باس مەملەكەتتىك قۇرىلىس ينسپەكتورىنىڭ قاۋلىلارىمەن- 3 ليتسەنزيانىڭ قىزمەتى 6 اي مەرزىمىنە توقتاتىلدى.
سول سياقتى 8 ساراپشىنىڭ تەحنيكالىق قاداعالاۋ اتتەستاتتارىنىڭ قىزمەتى 6 اي مەرزىمىنە توقتاتىلدى;
جانە 32,3 ملن. تەڭگە ايىپپۇل سوماسىنا ماقساتسىز پايدالانىلىپ جاتقان 44 نىسان يەلەرى اكىمشىلىك جاۋاپكەرشىلىككە تارتىلدى.
سونىمەن قاتار, الماتى قالاسى مامانداندىرىلعان اكىمشىلىك سوتىنا 33,9 ملن.تەڭگە ايىپپۇل سوماسىنا 382 اكىمشىلىك حاتتاما تولتىرىلىپ, جولداندى, سونىمەن بىرگە 29 حاتتاما بويىنشا قوسىمشا شارا قولدانىلدى, بۇل:
– 2 قاۋلى ليتسەنزيادان ايىرۋمەن (جوبالاۋ قىزمەتى);
– 1 قاۋلى ساراپشىنىڭ تەحنيكالىق قاداعالاۋ اتتەستاتىنان ايىرۋمەن;
– 10 قاۋلى زاڭسىز سالىنعان قۇرىلىستاردى ءماجبۇرلى تۇردە بۇزۋمەن;
– 16 قاۋلى نىسانداردا قۇرىلىس-مونتاجداۋ جۇمىستارىن توقتاتۋمەن بايلانىستى.
بۇدان بولەك, ازاماتتىق سوت ءىسىن جۇرگىزۋ شەڭبەرىندە زاڭسىز سالىنعان (سالىنىپ جاتقان) قۇرىلىستاردى بۇزۋ تۋرالى 9 تالاپ ارىز بەرىلدى, ونىڭ ىشىندە 4 قاناعاتتاندىرىلدى, دەيدى اياقتادى باسقارما باسشىسى.
ايناش ەسالي,
«ەگەمەن قازاقستان»
