وسىدان ءبىر اي بۇرىن ءوڭىر باسشىسى بەردىبەك ساپارباەۆتىڭ تاپسىرماسىمەن وبلىس ورتالىعىن سانيتارلىق تازالاۋ جانە كورىكتەندىرۋ, الەۋمەتتىك نىساندار مەن تۇرعىن ۇيلەردىڭ قۇرىلىسى جانە كۇردەلى جوندەۋ, سونىمەن قاتار, الەۋمەتتىك-ەكونوميكالىق دامىتۋ ماسەلەلەرى بويىنشا ءۇش جۇمىس توبى قۇرىلعان ەدى.
16 شىلدە, دۇيسەنبى كۇنى جۇمىس توپتارىنىڭ باسشىلارى قىزمەتتەرىنىڭ ناتيجەلەرى تۋرالى ەسەپ بەردى.
باياندامالاردى تىڭداپ شىققان وبلىس اكىمى جۇمىس توپتارىنىڭ قىزمەتىن ماقۇلداپ, قويىلعان مىندەتتەردىڭ جۇزەگە اسىرىلۋىن جالعاستىرۋدى تاپسىردى.
جيىن بارىسىندا قالاداعى ەكى اۋدان اكىمدىكتەرىنىڭ, قوقىس شىعاراتىن ۇيىمدار مەن 31 باسقارۋشى كومپانيالاردىڭ جۇمىستارى قارالدى. ولاردىڭ باسشىلارىنا قاراماعىنداعى اۋماقتارعا ءتارتىپ ورناتۋ شارالارىن, ال جەرگىلىكتى پوليتسيا قىزمەتىنە كورىكتەندىرۋ ەرەجەلەرىن بۇزۋشىلارمەن كۇرەستى بارىنشا كۇشەيتۋ تاپسىرىلدى.
- بارلىق باقىلاۋشى ورگاندار جۇمىستى كۇشەيتۋلەرى ءتيىس. بۇل سونداي-اق, جەرگىلىكتى پوليتسيا قىزمەتىنە دە قاتىستى. باسقارۋشى كومپانيالار وزدەرىنىڭ رەزەرۆتەرىن ىسكە قوسىپ, وزدەرىنىڭ تيىمدىلىكتەرىن دالەلدەيتىن ۋاقىت جەتتى, - دەپ اتاپ كورسەتتى ءوڭىر باسشىسى.
وبلىس اكىمىنىڭ ورىنباسارى, كورىكتەندىرۋ جونىندەگى جۇمىس توبىنىڭ باسشىسى ماۆر ابدۋللين مالىمدەگەندەي, وتكەن ايدا مىندەتتەرىن ورىنداي الماعان ءتورت باسقارۋشى كومپانيانىڭ باسشىلارى قىزمەتتەرىنەن بوسادى.
بۇدان باسقا, م. ابدۋللين ەسەپتىك كەزەڭنىڭ ىشىندە اقتوبەدە 30 مىڭ شارشى مەتر جاياۋجول تاقتايشالارى توسەلگەنىن, بەس سۋبۇرقاقتىڭ جوندەلىپ, قوقىس پوليگونى اۋماعىنىڭ تولىقتاي قورشالعانىن حابارلادى. اقتوبە قالاسىنداعى ورتالىق بازار مەن وعان ىرگەلەس اۋماقتارداعى سانيتارلىق نورمالاردىڭ بۇزىلۋىن جويۋدا اۋقىمدى جۇمىستار اتقارىلدى.
ءوڭىر باسشىسى تۇرعىن ءۇي اۋلالارىن كورىكتەندىرۋدىڭ ماڭىزدىلىعىن ەسكە سالدى.
- «باقىتتى بالا» جوباسى اياسىندا ويىن جانە سپورت الاڭدارىن ورناتۋدى جالعاستىرۋ قاجەت, - دەپ اتاپ ءوتتى بەردىبەك ساپارباەۆ.
وبلىس اكىمىنىڭ ورىنباسارى سەرىك تولەنبەرگەنوۆ باسقاراتىن جۇمىس توبىنا الەۋمەتتىك نىساندار قۇرىلىسىنىڭ, كۇردەلى جوندەۋ جۇمىستارىنىڭ ساپاسى مەن مەرزىمىنىڭ ساقتالۋىن قاتاڭ باقىلاۋدى جالعاستىرۋ تاپسىرىلدى. بيىل وبلىستا كەم دەگەندە 870 مىڭ شارشى مەتر تۇرعىن ءۇي مەن 8000 جاڭا پاتەردى پايدالانۋعا بەرۋ جوسپارلانىپ وتىر. اۆتوموبيل جولدارى قۇرىلىسى مەن جوندەۋ, جاڭا جانە توقتاپ تۇرعان ونەركاسىپ نىساندارىن پايدالانۋعا بەرۋ مەرزىمدەرىن ساقتاۋعا قاتىستى دا وسىنداي تاپسىرما بەرىلدى.
جيىندى تۇيىندەگەن وبلىس اكىمى اقتوبە قالاسى اكىمدىگىنەن, وكىلەتتى مەملەكەتتىك ورگانداردان, سونىمەن قاتار, كوممۋنالدىق كاسىپورىنداردان قالا تۇرعىندارىنىڭ قازىرگى ماڭىزدى ماسەلەلەرىن, سونىڭ ىشىندە قوعامدىق كولىككە قاتىستى جۇمىستاردى جەدەل شەشۋدى تالاپ ەتتى.
ايتا كەتۋ كەرەك, جۋىردا جاڭا اۆتوبۋستاردى بەلسەندى تۇردە ساتىپ الىپ جاتقان «پاتپ» جشس ۇلگىسىمەن «اۆتوپارك» جشس دا ىلگەرى قادامدار جاساماقشى. تاسىمالداۋشى كومپانيالاردىڭ وكىلدەرى 55 جاڭا اۆتوبۋس ساتىپ الۋعا دايىندىق ۇستىندە ەكەندەرىنە سەندىردى. بۇل اقتوبەدەگى قوعامدىق كولىكتەردىڭ قوزعالىس كەستەسىنە وڭ اسەرىن تيگىزۋ كەرەك.
تەمىر قۇسايىن,
«ەگەمەن قازاقستان»
