«ەل گازەتى «ەگەمەن قازاقستان» دا بيىلعى جىلدىڭ ەڭ ەلەۋلى وقيعاسى استانانىڭ 20 جىلدىعىنا ۇلكەن تارتۋمەن كەلىپ وتىر. استاناعا بايلانىستى كوپتەگەن دۇنيەلەر جازىلىپ جاتىر. وزدەرىڭىز بايقاپ وتىرسىزدار ماۋسىم ايىنىڭ باسىنان بەرى قالامىزدىڭ مەرەيتويىنا تۇراقتى تۇردە بىرنەشە بەت ارناپ, استانا كۇنىنە, استانا ايشىقتارىنا بايلانىستى كوپتەگەن ماقالا بەرىپ كەلەمىز», - دەدى «ەگەمەن قازاقستان» گازەتىنىڭ باسقارما توراعاسى دارحان قىدىرالى.
ونىڭ ايتۋىنشا, كىتاپتى شىعارۋ ءىسى وتكەن جىلى قولعا الىنىپ, ەگەمەننىڭ تىلشىلەرىنىڭ, شولۋشىلارىنىڭ كۇشىمەن شىققان.
«بۇل باس باسىلىمنىڭ ەلورداعا تارتۋى دەپ بىلىڭىزدەر. «باقوردانىڭ» «باق»-ى ءبىر جاعىنان بۇقارالىق اقپارات قۇرالدارى دەگەندى بىلدىرەدى. ەكىنشىدەن استانا شىنىمەن دە ءبىزدىڭ باقوردامىزعا اينالىپ وتىر», - دەدى ول.
ەلباسى ەسىمىمەن ەگىز اتالاتىن ەلوردا ومىرىنە ارنالعان بۇل كىتاپ جالپىۇلتتىق رەسپۋبليكالىق «ەگەمەن قازاقستان» گازەتىندە جارىق كورگەن ءارتۇرلى جانرداعى ماقالالاردان قۇرالعان.
باسىلىم تىلشىلەرى مۇندا «وتانىمىزدىڭ جۇرەگى, تاۋەلسىزدىگىمىزدىڭ تىرەگى» اتانعان استانانىڭ قوعامدىق-ساياسي, الەۋمەتتىك-ەكونوميكالىق جانە مادەني-رۋحاني كەلبەتى توڭىرەگىندە وي تولعايدى.
كىتاپ تارالىمى - 1000 دانا.
