جاڭا ورتالىقتىڭ تۇساۋكەسەرىنە ForteBank باسقارماسىنىڭ توراعاسى گۋرام اندرونيكاشۆيلي مەن فيليال ديرەكتورى اببات ۋريسباەۆ قاتىستى. ولار وفيستەردىڭ تۇجىرىمداماسى مەن ءستيلى ۇزاق تالقىلانعانىن جانە يتاليانىڭ DINN ديزاينەرلىك كومپانياسىنىڭ كاسىبي ماماندارىمەن مۇقيات ازىرلەنگەنىن ايتتى.
بانكوماتتار مەن تەرمينالدارعا تاۋلىك بويى قولجەتىمدىلىك جوسپاردا كوزدەلگەن. The Financial Brand (اقش) باسىلىمىنىڭ حابارلاۋىنشا, ەلىمىزدەگى بۇل ەكىنشى دەڭگەيلى بانكتىڭ وفيستەرى الەمدەگى بانك بولىمشەلەرىنىڭ ۇزدىك ديزايندارىنىڭ قاتارىنا كىرەدى. الايدا كليەنتتەردى كەزەكتەگى كۇتۋدەن قۇتقاراتىن وزدىگىنەن قىزمەت كورسەتۋدىڭ قولايلى ايماقتارى جاڭا فورماتتاعى بولىمشەلەردىڭ ەڭ باستى ەرەكشەلىگى بولىپ تابىلادى. بارلىق قاجەتتى قىزمەتتەردى موبيلدىك قوسىمشانىڭ كومەگىمەن جاساۋعا بولادى. ال ول بارلىق پايدالانۋشىلار ءۇشىن اشىق.
«كوكتەمدە ەلدەگى بانكتىك كارتالاردىڭ بارلىق پايدالانۋشىلارى ءۇشىن موبيلدىك قوسىمشانى اشتىق. كەز كەلگەن بانكتىڭ كليەنتى بولا تۇرىپ, ءسىز ForteBank قوسىمشاسىن جۇكتەپ, ءوز كارتاڭىزدىڭ ءنومىرىن ەنگىزىپ, تىركەلىپ, وسىلايشا بارلىق قىزمەتتەردى پايدالانا الاسىز. ءبىزدىڭ سەرۆيسكە 200 مىڭنان استام قازاقستاندىق باعا بەردى, اي سايىن موبيلدىك قوسىمشا ارقىلى 2 ميلليونعا جۋىق ترانزاكتسيا جۇرگىزىلۋدە», - دەپ اتاپ ءوتتى اشىلۋ سالتاناتىندا گۋرام اندرونيكاشۆيلي.
ەگەر كليەنتتەردىڭ بىرەۋى ءالى ونلاين-قىزمەتتەردى قالاي پايدالانۋدى سوڭىنا دەيىن بىلمەسە, وعان وزدىگىنەن قىزمەت كورسەتۋ ايماعىندا سىپايى كونسۋلتانت ءاردايىم كومەك بەرۋگە دايىن. 2017 جىلى بانكتىڭ موبيلدىك قوسىمشاسى قازاقستاندا №1 بولىپ تانىلدى جانە رەسەيدىڭ Markswebb تالدامالىق اگەنتتىگىنىڭ حابارلاۋىنشا, تمد-داعى 10 ۇزدىك بانكتىڭ قاتارىندا.
سالتاناتتى ءراسىم اياسىندا ماڭعىستاۋ وبلىسىنىڭ اكىمدىگى مەن ForteBank اراسىندا ءوڭىردىڭ دامۋىنا ىقپال جاسايتىن جوبالاردى ىسكە اسىرۋ, سونداي-اق حالىققا ساپالى بانك قىزمەتتەرىن كورسەتۋ ماقساتىنداعى ىنتىماقتاستىق تۋرالى مەموراندۋمعا قول قويىلدى.
«قارجى ينستيتۋتتارىنىڭ اراسىندا ForteBank ايرىقشا ورىن الىپ وتىر جانە ەلدەگى ەڭ ءوتىمدى ءارى تۇراقتى بانكتەردىڭ ءبىرى بولىپ تابىلادى. ءبىز ForteBank پەن ماڭعىستاۋ وبلىسى اكىمدىگىنىڭ ءوڭىردىڭ ودان ءارى دامۋى بويىنشا ورتاق جوسپارلارىنىڭ بار ەكەندىگىنە جانە تىعىز ىنتىماقتاستىقتا جۇمىس ىستەيتىنىمىزگە قۋانىشتىمىز, بۇل جونىندە بۇگىن قول قويىلعان مەموراندۋم كۋالاندىرىپ وتىر», – دەدى ەرالى توعجانوۆ.
قازىردىڭ وزىندە بانك وڭىردە حالىققا جانە كومپانيالارعا قىزمەتتەر كورسەتۋ بويىنشا كوشباسشى ورىندارعا نىق سەنىممەن شىعىپ كەلەدى. ForteBank وبلىستىق فيليالى كليەنتتەرىنىڭ 34 000-نان استامى جەكە تۇلعالار بولسا, 3000-عا جۋىعى كاسىپكەرلەر. بۇل قارجى ۇيىمى «بيزنەستىڭ جول كارتاسى 2020» باعدارلاماسىنىڭ بەلسەندى قاتىسۋشىسى بولىپ تابىلادى, ال ماڭعىستاۋ وبلىسىنداعى فيليال بىرنەشە رەت بولىنگەن قاراجاتتاردى يگەرۋ قارقىنى بويىنشا كوشباسشى بولدى. 2017 جىلدىڭ قورىتىندىلارى بويىنشا 2,5 ملرد. تەڭگە سوماعا 28 جوبانى قارجىلاندىردى.
سونداي-اق ForteBank قارجىلاندىرعان «نۇر كاپيتال» باعدارلاماسى بويىنشا سۋبسيديالاۋدىڭ ءبىرىنشى شارتىنا قول قويۋ جاڭا ءوفيستىڭ اشىلۋىنداعى ەڭ باستى ساتتەردىڭ بىرىنە اينالدى.
