وتىرىستى اشقان گ.ابدىقالىقوۆا ەلباسى نۇرسۇلتان نازارباەۆتىڭ حالىققا ارناعان ء«تورتىنشى ونەركاسىپتىك رەۆوليۋتسيا جاعدايىنداعى دامۋدىڭ جاڭا مۇمكىندىكتەرى» اتتى بيىلعى جولداۋىندا ادام كاپيتالىن دامىتۋدى ماڭىزدى مىندەتتىڭ ءبىرى رەتىندە اتاعانىنا توقتالدى.
«قازاقستاننىڭ بۇدان ءارى دامۋى مۇلدە وزگەشە ويلاۋ جۇيەسىن قالىپتاستىرۋدى, تەز بەيىمدەلۋ مەن وزگەرە ءبىلۋ قابىلەتىن تالاپ ەتەتىن تسيفرلى ءداۋىردىڭ جاڭا جاھاندىق ترەندتەرى ىقپالىندا جۇرگىزىلەدى. ول ءۇشىن ەڭ الدىمەن ءبىلىم سالاسىن جاڭا يننوۆاتسيالىق يندۋستريالاندىرۋ تالاپتارىنا بەيىمدەۋىمىز قاجەت», دەدى مەملەكەتتىك حاتشى.
كوميسسيا وتىرىسى اياسىندا ءبىلىم جانە عىلىم مينيسترلىگىڭ «بولاشاق» حالىقارالىق ستيپەندياسىنىڭ ىسكە اسىرىلۋى تۋرالى اقپارات تىڭدالدى, سونداي-اق باسقا دا بىرقاتار ماسەلەلەر قارالدى.
جيىندا كوميسسيا شەشىمىمەن ستيپەنديا ماگيستراتۋرادا, دوكتورانتۋرادا وقيتىن جانە الەمنىڭ جەتەكشى جوعارى وقۋ ورىندارىنا تاعىلىمدامادان وتۋگە جىبەرىلەتىن 76 ۇمىتكەرگە تاعايىندالدى.
وتىرىس قورىتىندىسى بويىنشا مەملەكەتتىك حاتشى «بولاشاق» حالىقارالىق ستيپەندياسىن ىسكە اسىرۋدى ودان ءارى جالعاستىرۋ جونىندە بىرقاتار تاپسىرما بەردى.
اباي اسانكەلدى ۇلى,
«ەگەمەن قازاقستان»
