ايماق باسشىسى ايتقانداي, اليمۇحاممەد قۇتتىمۇرات ۇلىنىڭ كوپ جىلعى ەڭبەك ءوتىلى بار, ءار ءتۇرلى سالالاردا باسشىلىق لاۋازىمدار اتقاردى. ونىڭ كانديداتۋراسى قر پرەزيدەنت اكىمشىلىگىمەن كەلىسىلگەننەن كەيىن ۇسىنىلعان. دەپۋتاتتار جاڭا اكىمنىڭ كانديداتۋراسىن قولداپ, ىسكەر باسقارۋشى رەتىندە بىلەتىندەرىن اتاپ ءوتتى.
قالا اكتيۆىنىڭ جيىنىندا ايماق باسشىسى سەرىك شاپكەنوۆكە اتقارعان جۇمىسى ءۇشىن العىس ايتىپ, شاھاردىڭ جاڭا باسشىسىنا ناقتى تاپسىرمالار بەردى.
اليمۇحاممەد كۇتتىمۋۇرات ۇلىنىڭ ەكونوميكا, قۇقىقتانۋ ماماندىقتارى بويىنشا ەكى جوعارى ءبىلىمى بار.
رەسەي فەدەراتسياسى پرەزيدەنتى جانىنداعى رەسەي حالىق شارۋاشىلىعى جانە مەملەكەتتىك قىزمەت اكادەمياسىنىڭ MPA (Master of Public Administration)باعدارلاماسىنىڭ ماگيسترانتى.
مەملەكەتتىك قىزمەت پەن جەكە سەكتوردا ۇلكەن تاجىريبەسى بار.
ەڭبەك جولىن كوممەرتسيالىق قۇرىلىمداردا باستاعان. 2008 - 2012 جىلدارى جەرگىلىكتى اتقارۋشى ورگاندار جۇيەسىندە ءار ءتۇرلى قىزمەتتەر اتقاردى. 2012- 2016 جىلدارى ورال قالاسى اكىمىنىڭ ورىنباسارى, اتىراۋ وبلىسى اكىمى اپپاراتىنىڭ جەتەكشىسى, اتىراۋ وبلىستىق تابيعي رەسۋرستار جانە تابيعات پايدالانۋدى رەتتەۋ باسقارماسىنىڭ باسشىسى بولدى,
2016 جىلدىڭ مامىرىندا ماحامبەت اۋدانىنىڭ اكىمى بولىپ تاعايىندالدى. 2017 جىلدىڭ تامىز ايىنان بۇگىنگە دەيىن اتىراۋ وبلىسى جىلىوي اۋدانىنىڭ اكىمى قىزمەتىن اتقاردى.
