«2017 جىلى كونستيتۋتسيالىق رەفورما اياسىندا ماڭىزدى جۇمىستار اتقارىلدى. رەفورما شەڭبەرىندە ۇكىمەتتىڭ پارلامەنت الدىندا ەسەپ بەرۋ جانە باقىلاۋ تەتىكتەرى نىعايتىلدى. بۇدان باسقا, وتكەن جىلى قۇقىق قورعاۋ جۇيەسىنە, جەرگىلىكتى مەملەكەتتىك باسقارۋ جانە ءوزىن-ءوزى باسقارۋ سالاسىنا جاڭعىرتۋ جۇرگىزىلدى. قۇقىق قورعاۋ جۇيەسىن جاڭعىرتۋ قىلمىستىق پروتسەستى گۋمانيزاتسيالاۋعا باعىتتالعان. مىسالى, تەرگەۋشىنىڭ شەشىمىنە قاراماستان ادۆوكاتتىڭ تەرگەۋ سۋدياسىنا شاعىمدانۋ قۇقىعى كەڭەيتىلدى. سونىمەن قاتار اكىمشىلىك قۇقىق بۇزۋشىلىق سالاسىن گۋمانيزاتسيالاۋعا باعىتتالعان زاڭ قابىلداندى. مىسالى, 157-دەن استام قۇقىق بۇزۋشىلىق بويىنشا اكىمشىلىك ايىپپۇلدار سوماسى قىسقارتىلدى, جازانىڭ 30 ءتۇرى جۇمسارتىلدى, قىسقارتىلعان ءوندىرىس ينستيتۋتى كەڭەيتىلدى. بۇل جەتى كۇن ىشىندە ايىپپۇلدىڭ جارتىسىن تولەۋ مۇمكىندىگىن قۇقىق بۇزۋشىلىقتىڭ كوپ قۇرامىنا قولدانۋعا مۇمكىندىك بەردى. سونداي-اق زاڭدى تۇلعالارعا قىسقارتىلعان ءوندىرىستى قولدانۋعا مۇمكىندىك اشتى.
ادىلەت مينيسترلىگى وتكەن جىلى م ۇلىكتىك قۇقىقتاردى قورعاۋدى كۇشەيتۋ ماقساتىندا بارلىق زاڭناماعا رەۆيزيا جۇرگىزدى. نəتيجەسىندە بىرقاتار ۇسىنىستار ازىرلەندى. مىسالى, بانكتىك قارىز شارتتارى بويىنشا قارىز الۋشىلارعا قۇقىقتىق قورعاۋدى قامتاماسىز ەتۋ, مەملەكەت مۇقتاجى ءۇشىن جەردى ماجبۇرلەپ الىپ قويۋ بارىسىندا تەڭ سىياقى بەلگىلەۋ شارتتارىن انىقتاۋ, م ۇلىكتى تاركىلەۋ جاعدايىندا مەنشىك يەلەرىنىڭ قۇقىقتارىن قامتاماسىز ەتۋ», دەدى ادىلەت ءمينيسترى.
سونداي-اق ول قازىرگى ۋاقىتتا سوت-ساراپتامالىق قىزمەتىنىڭ تيىمدىلىگىن ارتتىرۋ مەن دامىتۋعا ەرەكشە نازار اۋدارىلىپ وتىرعانىن تىلگە تيەك ەتتى.
«وتكەن جىلى «سوت ساراپتاما قىزمەتى تۋرالى» زاڭ قابىلداندى. سوت ساراپشىلارىنىڭ پالاتاسى قۇرىلىپ, ونىڭ قىزمەتى رەگلامەنتتەلدى. بۇگىنگى كۇنى رەسپۋبليكالىق پالاتادا 105 جەكە سوت ساراپشىسى جۇمىس ىستەيدى. جەتى ايماقتىق فيليال قۇرىلدى. ولار استانا جانە الماتى قالالارىندا, شىعىس قازاقستان, باتىس قازاقستان, قاراعاندى, سولتۇستىك قازاقستان, تۇركىستان وبلىستارىندا. وتكەن جىلدان باستاپ قازاقستاننىڭ سوت-ساراپتاما جۇيەسىن «سوت ساراپتاماسى ورتالىعى» مەملەكەتتىك كاسىپورنى باسقارادى. ساراپتامالىق فۋنكتسيالاردى ءبىر ۆەدومستۆوعا بەرۋ ناتيجەسىندە قارجىلىق رەسۋرستار جيناقتالدى, بىرىڭعاي ماتەريالدىق-تەحنيكالىق بازا قۇرىلدى. بارلىق ساراپتاما تۇرلەرىنە تاريفتەردى انىقتاۋ جوسپارلانۋدا. بۇل بيۋدجەت قاراجاتىن بارىنشا ۇقىپتى قولدانۋعا جانە قاجەتسىز سوت-ساراپتامالاردىڭ سانىن قىسقارتۋعا اكەلەدى. تۇتاستاي العاندا, ادىلەت مينيسترلىگى قىزمەتتىڭ بارلىق باعىتتارى بويىنشا بەلسەندى جۇمىس اتقارۋدا دەدى مارات بەكەتاەۆ.
راۋان قايدار,
«ەگەمەن قازاقستان»
