"ForteBank – ەلدىڭ ءىرى جانە تۇراقتى بانكتەرىنىڭ ءبىرى. بۇگىن قول قويعان ستراتەگيالىق ىنتىماقتاستىق تۋرالى مەموراندۋم بىرلەسكەن جوبالاردى ىسكە اسىرۋ ءۇشىن نەگىز بولادى جانە ءبىزدىڭ ءوڭىردىڭ ەكونوميكالىق دامۋىنا ءوزىنىڭ قوماقتى ۇلەسىن قوسادى دەپ ويلايمىز", دەدى اقتوبە وبلىسىنىڭ اكىمى بەردىبەك ساپارباەۆ ەكىنشى دەڭگەيلى بانك بولىمشەسىنىڭ اشىلۋ راسىمىندە.
اقتوبەدە بارىنشا جايلى ءارى وزىق تەحنولوگيالار ورناتىلعان ForteBank جاڭا بىرەگەي بولىمشەسى سالتاناتتى جاعدايدا قىزمەت كورسەتۋدى باستادى. بانكتىڭ باسقارما توراعاسى گۋرام اندرونيكاشۆيليدىڭ ايتۋىنشا, «ForteBank ەلدىڭ بارلىق وڭىرلەرىندە جاڭا فورماتتاعى جوعارى تەحنولوگيالى بولىمشەلەرىن اشۋدى جالعاستىرۋدا. قارجى ۇيىمى وتكەن جىلى قازاقستاننىڭ سەگىز قالاسىندا جاڭارتىلعان وفيستەرىن تانىستىرعان. بيىل تاعى ءتورت فيليالىن اشۋدى جوسپارلاپ وتىر.
ء«بىزدىڭ وفيستەر, The Financial Brand (اقش) باسىلىمىنىڭ حابارلاۋىنشا, الەمدەگى بانك بولىمشەلەرىنىڭ ۇزدىك ديزايىندارىنىڭ قاتارىنان تابىلدى. ءبىز ءوز كليەنتتەرىمىزدىڭ ءومىر ءسۇرۋ ساپاسى كۇننەن كۇنگە جاقسارۋى ءۇشىن يننوۆاتسيالار مەن تەحنولوگيالارعا كوپ كوڭىل بولەمىز. جاڭا سەرۆيستەر قۇرا وتىرىپ, كەزەكتە تۇرۋدى بولدىرماۋعا جانە بانكپەن بارلىق ءوزارا ءىس-قيمىل بارىسىن بارىنشا تارتىمدى, جايلى جانە پايدالى ەتىپ جاساۋعا ۇمتىلامىز», - دەپ اتاپ ءوتتى گۋرام اندرونيكاشۆيلي.
جاڭارتىلعان وفيستەر - ForteBank زاماناۋيلىعى مەن يننوۆاتسيالىلىعىنىڭ ماڭىزدى كورسەتكىشى. ينتەرەردىڭ تۇجىرىمداماسى مەن ءستيلى يتاليالىق DINN ديزاينەرلىك كومپانياسىنىڭ كاسىبي ماماندارىمەن مۇقيات ازىرلەندى. ءوفيستىڭ قۇرىلىمىندا كليەنتتەردى كەزەكتە تۇرۋدان بوساتاتىن وزىنە-ءوزى قىزمەت كورسەتۋ ايماقتارى, بانكوماتتار مەن تەرمينالدارعا تاۋلىك بويى قولجەتىمدىلىك قاراستىرىلدى. بانك كونسۋلتانتتارى ForteBank موبيلدىك قوسىمشاسىنىڭ كومەگىمەن ونلاين-قىزمەتتەردى قالاي پايدالانۋ كەرەكتىگىن ەگجەي-تەگجەيلى ايتىپ بەرەدى, ول ءوزىنىڭ ينتۋيتسيالىق دوستىق ينتەرفەيسىمەن تاڭقالدىرادى, وتە قولايلى ءارى تۇسىنىكتى, پايدالانۋشى ەشكىمنىڭ كومەگىنسىز باعدارلامامەن قالاي جۇمىس ىستەۋ كەرەكتىگىن بىردەن تۇسىنەدى.
بانكتىڭ موبيلدىك قوسىمشاسى ەلدەگى بارلىق بانك كارتالارىنىڭ پايدالانۋشىلارى ءۇشىن اشىق. كەز كەلگەن بانكتىڭ كليەنتى بولا تۇرىپ, ءسىز ForteBank قوسىمشاسىن جۇكتەي الاسىز جانە بارلىق قىزمەتتەردى پايدالانا الاسىز. 2017 جىلى بانكتىڭ موبيلدىك قوسىمشاسى قازاقستاندا №1 جانە رەسەيلىك Markswebb تالدامالىق اگەنتتىگىنىڭ حابارلاۋىنشا تمد-داعى 10 ۇزدىكتىڭ قاتارىندا تانىلدى. قازاقستاننىڭ بارلىق بانكتەرىنىڭ تولەمدىك كارتالارىن پايدالانۋشىلار ءۇشىن ForteBank موبيلدىك قوسىمشاسىندا 350-دەن استام قارجىلىق قىزمەتتەر قول جەتىمدى. بانكتىڭ سەرۆيسىن 100 مىڭنان استام قازاقستاندىق باعالادى. ءموبيلدى قوسىمشا ارقىلى اي سايىن 2 ملن-عا جۋىق ترانزاكتسيا جاسالادى.
سالتاناتتى اشىلۋ راسىمىندە ForteBank پەن اقتوبە وبلىسىنىڭ اكىمدىگى اراسىندا ءوڭىردىڭ دامۋىنا ىقپال جاسايتىن جوبالاردى ىسكە اسىرۋعا, سونداي-اق حالىققا ساپالى بانك قىزمەتتەرىن كورسەتۋگە قاتىستى ىنتىماقتاستىق تۋرالى مەموراندۋمعا قول قويىلدى.
«بۇگىنگى تاڭدا ForteBank ەلدىڭ ءىرى جانە تۇراقتى بانكتەرىنىڭ ءبىرى. ءبىز اقتوبەدە ForteBank فيليالىنىڭ جاڭا ءارى قازىرگى زاماناۋي ءوفيسىنىڭ اشىلعانىنا قۋانىشتىمىز. بۇگىن قول قويعان ستراتەگيالىق ىنتىماقتاستىق تۋرالى مەموراندۋم بىرلەسكەن جوبالاردى ىسكە اسىرۋ ءۇشىن نەگىز بولادى جانە ءبىزدىڭ ءوڭىردىڭ ەكونوميكالىق دامۋىنا ءوزىنىڭ قوماقتى ۇلەسىن قوسادى دەپ ويلامىز», - دەدى ءوز كەزەڭىندە بەردىبەك ساپارباەۆ.
قازىردىڭ وزىندە بانك وڭىردە حالىققا جانە كومپانيالارعا قىزمەت كورسەتۋ بويىنشا كوشباسشى ورىندارعا نىق سەنىممەن شىعۋدا. ForteBank وبلىستىق فيليالىنىڭ كليەنتتەرىنىڭ 35 000-نان استامى جەكە تۇلعالار بولسا, 3000-عا جۋىق كاسىپكەرلەر.
ForteBank – «بيزنەستىڭ جول كارتاسى 2020» باعدارلاماسىنىڭ بەلسەندى قاتىسۋشىسى, ال اقتوبە وبلىسىنداعى فيليال بىرنەشە رەت بولىنگەن قاراجاتتاردى يگەرۋ قارقىنى بويىنشا كوشباسشى بولدى. 2017 جىلدىڭ قورىتىندىلارى بويىنشا 4 ملرد. تەڭگە سوماعا 20 جوبانى قارجىلاندىردى.
