«قارجى جۇيەسىنىڭ ەلىمىزدىڭ الەۋمەتتىك-ەكونوميكالىق دامۋ پروتسەستەرىندەگى ءرولى ماڭىزدى ەكەنى بارشاڭىزعا ءمالىم. سالىق جيناۋدان باستاپ شىعىستاردى قارجىلاندىرۋعا دەيىن ونىڭ اتقاراتىن مىندەتتەرى وتە كەڭ. جۇمىستاردىڭ اياسىنا قازىناشىلىق, بانكروتتىق, كەدەندىك جانە سالىقتىق اكىمشىلەندىرۋ, قارجى مونيتورينگى, بۋحگالتەرلىك ەسەپ پەن اۋديت, مەملەكەتتىك ساتىپ الۋ مەن م ۇلىكتى باسقارۋ ماسەلەلەرى جانە تاعى باسقالار كىرەدى. بيۋدجەتتىك اقپاراتتىڭ كوپشىلىككە قولجەتىمدىلىگىن باعالاۋ بيۋدجەتتىڭ اشىقتىعى يندەكسىمەن ولشەنەدى. بيۋدجەتتىڭ اشىقتىعىن زەرتتەۋگە قازاقستان وڭ سەرپىن كورسەتە وتىرىپ, 2008 جىلدان باستاپ قاتىسادى.
ماسەلەن, 2016 جىلى قازاقستان ورتاشا الەمدىك كورسەتكىشتى 42 بالعا كوتەرە وتىرىپ, بيۋدجەتتىڭ اشىقتىعى يندەكسىن 53 بالعا دەيىن كوتەردى. ازاماتتاردى بيۋدجەت پروتسەسىنە تارتۋ ءۇشىن مينيسترلىك بيۋدجەتتىك قۇجاتتاردىڭ ازاماتتىق نۇسقاسىن دا جاريالايدى. بيۋدجەتتىك دەرەكتەردى جاريالاۋ – بۇل تەك ءبىرىنشى قادام ەكەنىن اتاپ ءوتۋ كەرەك. ەكىنشى – اناعۇرلىم كۇردەلى قادام ازاماتتاردى بيۋدجەتتىك ماسەلەلەردى تالقىلاۋ پروتسەسىنە تارتۋدى بىلدىرەدى. قوعاممەن بايلانىس ورناتۋ ءۇشىن مينيسترلىكتىڭ سايتىندا بيۋدجەتتىك شىعىستاردىڭ باسىم باعىتتارىن قوسا العاندا, ونى جوسپارلاۋ جانە اتقارۋ ماسەلەلەرى تالقىلاناتىن فورۋمدار وتكىزۋ مۇمكىندىگى كوزدەلگەن. 2018 جىلدان باستاپ جەرگىلىكتى ءوزىن ءوزى باسقارۋ بيۋدجەتىنىڭ 4 دەڭگەيى ەنگىزىلگەنىن سىزدەر بىلەسىزدەر. ءبىزدىڭ قازىناشىلىق اقپاراتتىق جۇيەلەرىندە فۋنكتسيونالىن كەڭەيتۋ بويىنشا پىسىقتاۋ جۇرگىزىلدى. ءبىرىنشى كەزەڭدە 1062 جەرگىلىكتى ءوزىن ءوزى باسقارۋ ءۇشىن وڭىرلەردىڭ جاڭا التى ءماندى كودى بەرىلدى, سونداي-اق جەرگىلىكتى ءوزىن ءوزى باسقارۋ بيۋدجەتتەرىنىڭ قاراجاتتارىن باقىلاۋ شوتتارى اشىلدى», دەدى ۆەدومستۆو باسشىسى.
سونىمەن قاتار ول بۇل ءۇشىن 2017 جىلى ءوزارا ءىس-قيمىل جاساساتىن ۆەدومستۆولارمەن بىرلەسىپ, وڭىرلەردە توپتىق فورۋمدار وتكىزىلگەنىن, اۋداندىق ماڭىزى بار قالالاردىڭ, اۋىلداردىڭ, كەنتتەردىڭ, اۋىلدىق وكرۋگتەردىڭ اكىمدەرى اپپاراتتارىنىڭ 5075 مامانى وقىتىلعانىن جەتكىزدى.
«وزدەرىڭىز بىلەتىندەي, مەملەكەت باسشىسىنىڭ تاپسىرماسى بويىنشا ۇكىمەت مەملەكەت-جەكەمەنشىك ارىپتەستىكتىگى دامىتۋ بويىنشا ۇلكەن جۇمىس جۇرگىزىپ كەلەدى. 2018 جىلعى 15 ماۋسىمداعى جاعداي بويىنشا مەملەكەت-جەكەمەنشىك ارىپتەستىگىن 12 شارتى تىركەلدى, ونىڭ ىشىندە 610,7 ملرد تەڭگە سوماعا رەسپۋبليكالىق جوبالار بويىنشا 4 شارت, 161,1 ملرد تەڭگەگە جەرگىلىكتى جوبالار بويىنشا 208 شارت جاسالدى. مەملەكەتتىك قىزمەت كورسەتۋ مەن اكىمشىلەندىرۋ تسيفرلى فورماتقا اۋىستىرىلادى. بيزنەس-پروتسەستەردى جەڭىلدەتۋ جانە جىلدامداتۋ ءۇشىن ءبىز جىل سايىن اۆتوماتتاندىرىلعان راسىمدەر ۇلەسىن ۇلعايتىپ كەلەمىز. ءبىز بارلىق ۋاقىتتا فيسكالدىق اكىمشىلەندىرۋدى وڭتايلاندىرۋدى جۇرگىزەمىز, قاشىقتىقتان باقىلاۋعا كاليبرلەۋدى جانە باپتاۋدى وتكىزەمىز. تاۋەكەلدەردى باسقارۋدىڭ جاڭارتىلعان جۇيەسى تەكسەرۋلەر سانىن قىسقارتىپ قانا قويمايدى, سونىمەن قاتار كامەرالدىق باقىلاۋ بويىنشا حابارلامانىڭ دۇرىستىعىن ارتتىرادى», دەدى ب.سۇلتانوۆ.
قارجى ءمينيسترىنىڭ سوزىنشە, 2016 جىلى 78 مىڭ تەكسەرۋ جۇرگىزىلسە, ال 2017 جىلى 43 مىڭ عانا تەكسەرۋ جۇرگىزىلگەن. بۇل 45 پايىزعا از. بيىلعى جىلى سونداي-اق تەكسەرۋلەر سانى قىسقارتىلماق ەكەن. سونىمەن قاتار تەكسەرۋلەر ساپاسى مەن تيىمدىلىگى جاقسارعان. وتكەن جىلداردىڭ اكتىلەرى بويىنشا ءوندىرىپ الۋدى ەسكەرە وتىرىپ, سالىقتىق جانە كەدەندىك تەكسەرۋلەر بويىنشا ءوندىرىپ الۋ 2016 جىلى – 65 ملرد تەڭگەنى, 2017 جىلى 99 ملرد تەڭگەنى قۇراپتى.
«2017 جىلى كامەرالدىق باقىلاۋ بويىنشا حابارلامالار سانى 72 مىڭعا نەمەسە ءۇش ەسەگە قىسقاردى, بۇل رەتتە 30 پايىزعا نەمەسە 31 ملرد تەڭگەگە ولار بويىنشا ءوندىرىپ الۋ ءوستى (جالپى ءوندىرىپ الۋ 123 ملرد تەڭگەنى قۇراعان). 2017 جىلى تاۋارلاردىڭ كەدەندىك قۇنىنا باقىلاۋ ناتيجەلەرى بويىنشا 63 مىڭ كەدەندىك قۇننىڭ تۇزەتۋلەرى جۇرگىزىلدى, بۇل رەتتە قوسىمشا كەدەندىك تولەمدەر مەن سالىقتار 35 ملرد تەڭگەگە ءوندىرىپ الىندى. جاناما, بىراق وسى فاكتور قوسىلعان قۇن سالىعى بويىنشا تۇسىمدەردى 11 پايىزعا ۇلعايتتى. ەكسپورتتاۋشىلارعا 612 ملرد تەڭگەنى قايتارۋعا قاراماستان, قوسىلعان قۇن سالىعى بويىنشا جالپى تۇسىمدەر 1 665 ملرد تەڭگە بولدى», دەدى ول.
راۋان قايدار,
«ەگەمەن قازاقستان»
