كوكتەمگى دالا, ەگىس جۇمىستارىنا 1397 تەحنيكا جۇمىلدىرىلعان, 44 زاماناۋي سەبۋ كەشەنى بار. تراكتورلاردىڭ 54 پايىزى, كومباينداردىڭ 60 پايىزى جاڭارتىلعان. بيىل تاعى جاڭا اۋىلشارۋاشىلىق تەحنيكالارى ساتىپ الىنىپتى. تەحنيكالار قۇنىنىڭ 20-25 پايىزى ينۆەستيتسيالىق سۋبسيديا رەتىندە قايتارىلىپ بەرىلمەك. كوكتەمگى ەگىس جۇمىستارىنا ءۇشىن اۋدانعا 3555 توننا جانارماي بولىنگەن. مينەرالدى تىڭايتقىشتار مەن گەربيتسيدتەرگە سۋبسيديا بەرىلەدى. 236 903 گەكتار جەردى ەلەكتروندى كارتاعا ەنگىزۋ جوسپارلانۋدا.
اۋداندىق اۋىل شارۋاشىلىق ءبولىمىنىڭ مالىمەتىنشە, بىلتىر اۋدان ديقاندارى گەكتارىنان ورتاشا ەسەپپەن 12 تسەنتنەردەن استىق جينادى. كوكتەمگى ەگىس ناۋقانى الداعى ايدىڭ باسىندا اياقتالادى. بيىل اۋدانى بويىنشا جالپى ەگىستىك القابى 263 133 گەكتار بولسا, 210 مىڭ گەكتار ءداندى داقىلدار, 26 مىڭ گەكتارعا جۋىق القاپقا مايلى داقىلدار ەگىلسە, 450 گەكتارعا كارتوپ وتىرعىزىلدى. اۋداندا كوكتەمگى ەگىسكە 33 608 توننا تۇقىم ازىرلەنىپ, ارنايى زەرتحانالىق تەكسەرۋدەن وتكىزىلگەن.
فاريدا بىقاي,
«ەگەمەن قازاقستان»
پاۆلودار
