القالى باسقوسۋدى كىتاپحانا ديرەكتورى باقىتجامال باعاشاروۆا اشىپ, مەملەكەت باسشىسىنىڭ «بولاشاققا باعدار: رۋحاني جاڭعىرۋ» ماقالاسىن جۇزەگە اسىرۋ ماقساتىندا قولعا الىنعان يگىلىكتى ءىستىڭ ماڭىزىن اڭگىمەلەدى.
– ەلباسىنىڭ باعدارلامالىق ماقالاسىندا ء«بىز الداعى بىرنەشە جىلدا گۋمانيتارلىق ءبىلىمنىڭ بارلىق باعىتى بويىنشا الەمدەگى ەڭ جاقسى 100 وقۋلىقتى ءارتۇرلى تىلدەردەن قازاق تىلىنە اۋدارىپ, جاستارعا دۇنيەجۇزىندەگى تاڭداۋلى ۇلگىلەردىڭ نەگىزىندە ءبىلىم الۋعا مۇمكىندىك جاسايمىز. 2018-2019 وقۋ جىلىنىڭ وزىندە ستۋدەنتتەردى وسى وقۋلىقتارمەن وقىتا باستاۋعا ءتيىسپىز» دەگەن ەدى. قوعامدىق جانە گۋمانيتارلىق عىلىمدار بويىنشا 100 جاڭا وقۋلىقتى اۋدارۋعا جاڭادان قۇرىلعان ۇلتتىق اۋدارما بيۋروسى كىرىسىپ كەتتى. جاڭا وقۋلىقتار – ەكسكليۋزيۆتى گۋمانيتارلىق كىتاپحانا. بۇل وقۋلىقتار كوپشىلىك ءۇشىن كىتاپ تۇرىندە, ەلەكتروندىق ونلاين نۇسقاسىندا جانە ۇزدىك لەكتورلاردىڭ اشىق دارىستەرىنىڭ ۆيدەوتەكاسى سياقتى ءۇش فورماتتا قول جەتىمدى بولماق. كىتاپتار لاتىن قارپىندە باسىپ شىعارىلعاننان كەيىن, ولاردى شەتەلدە تۇراتىن جاستارىمىز دا وقي الاتىن بولادى, – دەپ اتاپ ءوتتى ب. باعاشاروۆا.
ال, قىزدار ۋنيۆەرسيتەتىنىڭ «رۋحاني جاڭعىرۋ» ورتالىعىنىڭ باسشىسى تىنىشتىق ەرمەكوۆا ءبىلىمدى ءھام زياتكەر ۇلت قانا تابىسقا جەتەتىندىگىن, بۇل جاستارعا مەملەكەت تاراپىنان كورسەتىلىپ وتىرعان سۇبەلى قولداۋ ەكەندىگىنە توقتالدى.
بۇگىندە العاشقى 18 كىتاپ مەن وقۋ قۇرالى جارىققا شىعىپ وتىر. وقۋلىقتار فيلوسوفيا, الەۋمەتتانۋ, پسيحولوگيا, ءتىل ءبىلىمى, ەكونوميكا, مەنەدجمەنت, ءدىنتانۋ, انتروپولوگيا جانە جۋرناليستيكا باعىتتارى بويىنشا اۋدارىلعان. وقۋلىقتاردىڭ ارقايسىسى 10 مىڭ دانامەن باسىلىپ, جوعارى وقۋ ورىندارى مەن كىتاپحانالارعا تەگىن تاراتىلدى.
جارىق كورگەن كىتاپتاردىڭ قاتارىندا دجونستوننىڭ «فيلوسوفيانىڭ قىسقاشا تاريحى: سوكراتتان دەرريداعا دەيىن», ەنتوني كەننيدىڭ «باتىس فيلوسوفياسىنىڭ جاڭا تاريحى, انتيكا فيلوسوفياسى» ءى-تومى جانە «باتىس فيلوسوفياسىنىڭ جاڭا تاريحى, ورتا عاسىر فيلوسوفياسى» ءىى-تومى, رەمي حەسستىڭ «فيلوسوفيانىڭ تاڭداۋلى 25 كىتابى», دەۆيد برينكەرحوف, روۋز ۋەيتس, سيۋزان ورتەگانىڭ «الەۋمەتتانۋ نەگىزدەرى», دجوردج ريتتسەر, دجەففري ستەپنيتسكيدىڭ «الەۋمەتتانۋ تەورياسى», ەلليوت ارونسوننىڭ «كوپكە ۇمتىلعان جالعىز. الەۋمەتتىك پسيحولوگياعا كىرىسپە», دۋەين شۋلتس, سيدنەي ەللەن ءشۋلتستىڭ «قازىرگى پسيحولوگيا تاريحى», دەۆيد گ. مايەرس, جان م. تۋەنجدىڭ «الەۋمەتتىك پسيحولوگيا», ن. گرەگوري مەنكيۋ, مارك پ. تەيلوردىڭ «ەكونوميكس», دونالد ف. كۋراتكونىڭ «كاسىپكەرلىك: تەوريا, پروتسەسس, پراكتيكا», ريككي ۋ. گريففيننىڭ «مەنەدجمەنت», كارەن ارمسترونگتىڭ «يۋدايزم, حريستياندىق پەن يسلامداعى 4000 جىلدىق ىزدەنىس: قۇدايتانۋ بايانى», ۆيكتوريا فرومكين, روبەرت رودمان, نينا حايامستىڭ ء«تىل بىلىمىنە كىرىسپە», سۆەتلانا تەر-ميناسوۆانىڭ ء«تىل جانە مادەنيەتارالىق كوممۋنيكاتسيا», الان بارناردتىڭ «انتروپولوگيا تاريحى مەن تەورياسى» جانە كلاۋس شۆابتىڭ ء«تورتىنشى يندۋستريالىق رەۆوليۋتسيا» اتتى ەڭبەكتەرى بار.
شارا بارىسىندا فاكۋلتەت وقىتۋشىلارى مەن ستۋدەنتتەرى وقۋلىقتارعا توقتالىپ, كەڭىنەن تالقىلادى.
