اتالعان ورتالىق بۇعان دەيىن وسكەمەننەن الاكولگە پويىز 15 ساعاتتا جەتەتىنىن, بيلەت باعاسى پلاتسكارت – 2800, كۋپە 4000 تەڭگە بولاتىنىن ايتقان ەدى. «پويىز باعىتى 15 ماۋسىمنان باستاپ ىسكە قوسىلادى. بۇل ماقساتتا وبلىستىق بيۋدجەتتەن 114 ميلليون تەڭگە سۋبسيديا ءبولىندى. جول كەستەسى مامىردىڭ سوڭىنا دەيىن دايىن بولادى. سونىمەن قاتار, تۋريستەردى ستانتسيادان كول جاعاسىنا دەيىن جەتكىزەتىن اۆتوبۋس ماسەلەسى دە شەشىلگەن», - دەيدى تۋريستىك اقپاراتتىق ورتالىقتىڭ ديرەكتورى سىمبات رامازان.
وبلىس اكىمى دانيال احمەتوۆ جاقىندا ءۇرجار اۋدانىنا جاساعان جۇمىس ساپارى بارىسىندا بيىلعى سۋعا شومىلۋ ماۋسىمىندا الاكولگە (جالاڭاشكول ست.) تەك وسكەمەننان عانا ەمەس, سەمەيدەن دە پويىز قاتىنايتىنىن, ماقانشى مەن جالاڭاشكول باعىتىنداعى جولعا ورتا جوندەۋ جۇمىستارى قولعا الىنىپ جاتقانىن, قارابۇلاق پەن قابانباي اۋىلدارى اراسىنداعى 16 شاقىرىم جول دا جاقىن ۋاقىتتا جوندەلەتىنىن جەتكىزگەن بولاتىن.
ازامات قاسىم,
«ەگەمەن قازاقستان»
شىعىس قازاقستان وبلىسى
