«ولاردى تانىستىرا كەلىپ, تيمۋر سۇلەيمەنوۆ ءمادينا جۇنىسبەكوۆانىڭ الدىندا مەملەكەتتىك ورگاندار مەن جوبالىق باسقارۋداعى ستراتەگيالىق جوسپارلاۋ مەن تالداۋ, الەۋمەتتىك ساياسات جانە دامۋ ماسەلەسىنە جەتەكشىلىك ەتۋ مىندەتى تۇرعاندىعىن باياندادى. ءوز كەزەگىندە, دانا ءجۇنىسوۆانىڭ الدىندا حالىقارالىق ەكونوميكالىق ينتەگراتسيا جانە حالىقارالىق ىنتىماقتاستىق, ساۋدا جانە سىرتقى ساۋدا قىزمەتى ماسەلەسىنە جەتەكشىلىك ەتۋ مىندەتى تۇر» دەلىنگەن حابارلامادا.
سونداي-اق, جازبادا ءمينيستردىڭ جاڭا ورىنباسارلارىنىڭ جيناقتاعان تاجىريبەسىن, ءبىلىمى مەن كاسىبي داعدىسىن قويىلعان مىندەتتەرگە قول جەتكىزۋ ءۇشىن پايدالاناتىندىعىنا سەنىم بىلدىرگەنى ايتىلعان. «جاڭادان تاعايىندالعان ۆيتسە-مينيسترلەر ءمادينا جۇنىسبەكوۆا مەن دانا ءجۇنىسوۆا باسشىلىققا سەنىمى ءۇشىن العىس ايتتى جانە ەل دامۋى جولىندا الدا جەمىستى جۇمىس جاساۋعا ازىرلىگىن ءبىلدىردى», - دەپ جازادى ۇەم ءباسپاسوز حاتشىسى.
ءجۇنىسوۆا دانا بەيسەنقىزى 1985 جىلعى 30 مامىردا تۋعان.
2006 جىلى ت. رىسقۇلوۆ اتىنداعى قازاق ەكونوميكالىق ۋنيۆەرسيتەتىن ەكونوميست ماماندىعى بويىنشا بىتىرگەن.
2003 جىلى - «قتج» ۇك» اق بۋحگالتەرلىك ەسەپ دەپارتامەنتىنىڭ باس مامانى.
2007 جىلعى ماۋسىمنان 2008 جىلعى تامىزعا دەيىن «استانا-فينانس» اق كورپوراتيۆتىك ساتىلىمدار ءبولىمىنىڭ مەنەدجەرى.
2008 جىلعى جەلتوقساننان 2011 جىلعى قاڭتارعا دەيىن «2011 جىلعى 7-قىسقى ازيا ويىندارىن ۇيىمداستىرۋ كوميتەتىنىڭ اتقارۋشى ديرەكتسياسى» اق ماركەتينگ جانە يميدجدىك جوبالار دەپارتامەنتىنىڭ ديرەكتورى.
2012 جىلعى ماۋسىمنان قاراشاعا دەيىن - «قۇلاگەر» قك» جشس جوبالاردى باسقارۋ دەپارتامەنتىنىڭ مەنەدجەرى.
2013 جىلعى مامىردان 2016 جىلعى مامىرعا دەيىن - «اتامەكەن» ۇكپ ەكونوميكالىق ينتەگراتسيا دەپارتامەنتى ديرەكتورىنىڭ ورىنباسارى, ەكونوميكالىق ينتەگراتسيا دەپارتامەنتىنىڭ ديرەكتورى, ونەركاسىپتىك جانە ينۆەستيتسيالىق ساياسات دەپارتامەنتىنىڭ ديرەكتورى, ەكونوميكالىق ينتەگراتسيا دەپارتامەنتىنىڭ اتقارۋشى ديرەكتورى - ديرەكتور.
2016 جىلعى مامىردان 2018 جىلعى ساۋىرگە دەيىن «اتامەكەن» قر ۇكپ باسقارما مۇشەسى, باسقارما توراعاسىنىڭ ورىنباسارى بولعان.
2018 جىلعى 26 ساۋىردە قازاقستان رەسپۋبليكاسىنىڭ ۇلتتىق ەكونوميكا ۆيتسە-ءمينيسترى تاعايىندالدى.
جۇنىسبەكوۆا مادينا سەرىكقىزى 1987 جىلى تۋعان.
2009 جىلى م.ۆ. لومونوسوۆ اتىنداعى ماسكەۋ مەملەكەتتىك ۋنيۆەرسيتەتىن مەنەدجەر باكالاۆرى ماماندىعى بويىنشا بىتىرگەن.
2010 جىلى پاريج ءى پانتەون-سوربوننا ۋنيۆەرسيتەتىن ەكونوميكا ماگيسترى جانە 2011 جىلى پانتەون-اسساس ۋنيۆەرسيتەتىن مەنەدجمەنت جانە باسقارۋ ماگيسترى ماماندىعى بويىنشا اياقتادى.
2010 جىلدان - «حالىقارالىق اكتۋارلىق ورتالىق» جشس قارجىلىق تالداۋشىسى.
2012 جىلعى قاڭتاردان ناۋرىزعا دەيىن - «SKB-Group-Audit» جشس مەنەدجەرى.
2012 جىلعى ناۋرىزدان قازانعا دەيىن - «AMUN Capital Advisors KZ» جشس قارجىلىق تالداۋ جونىندەگى اعا مامانى.
2012 جىلعى قازاننان 2014 جىلعى ساۋىرگە دەيىن - قازاقستان رەسپۋبليكاسى پرەزيدەنتى اكىمشىلىگى باسشىسىنىڭ حاتشىلىعى ينسپەكتورى.
2014 جىلعى ساۋىردەن ماۋسىمعا دەيىن - قازاقستان رەسپۋبليكاسى پرەمەر-ءمينيسترىنىڭ كەڭەسشىسى.
2014 جىلعى ماۋسىمنان 2018 جىلعى ساۋىرگە دەيىن قازاقستان رەسپۋبليكاسى پرەمەر-ءمينيسترى كەڭسەسىنىڭ اقپاراتتىق-تالداۋ ورتالىعىنىڭ مەڭگەرۋشىسى 2018 جىلعى 26 ساۋىردە قازاقستان رەسپۋبليكاسىنىڭ ۇلتتىق ەكونوميكا ۆيتسە-ءمينيسترى بولىپ تاعايىندالدى.
