استانا اكىمدىگىنىڭ مالىمەتى بويىنشا سەنبىلىككە 100 مىڭنان استام ادامدى قاتىستىرۋ جوسپارلانعان, 1000 استام مەكەمە مەن كاسىپورىن, 49 جوعارى جانە ورتا ارناۋلى وقۋ ورنى, 184 مەكتەپكە دەيىنگى جانە جالپى ءبىلىم بەرەتىن مەكەمە, 73 دەنساۋلىق ساقتاۋ مەكەمەسى, 152 مەملەكەتتىك مەكەمە, ۆەدومستۆا مەن ۇلتتىق كومپانيالار. سونىمەن بىرگە, 560 تەحنيكا تارتىلاتىن بولادى. قاتىسۋشىلار كۇرەك, تىرما, قولعاپ, قوقىس سالاتىن قاپشىق سياقتى قۇرالدارمەن قامتاماسىز ەتىلەدى.
سونىمەن قاتار استانا اكىمدىگى «ەسو استانا ايلىعى» جوباسىن ىسكە قوستى, وندا 4 باعىت بار: ء«بىز دوستىڭ پەن تازا اۋلا ءۇشىن!», «ەسو university», «ECO college» جانە «ECO school». جوبا – قالا ەكولوگياسىن جاقسارتۋعا جانە وسكەلەڭ ۇرپاقتىڭ ازاماتتىق بەلسەندى پوزيتسياسى مەن ەكولوگيالىق مادەنيەتىن قالىپتاستىرۋعا شاقىرادى.
بۇدان باسقا, سانيتارلىق تازالاۋ بويىنشا «بولەك جيناۋ» ءىس-شاراسىن وتكىزۋ جوسپارلانۋدا, ياعني ەسىل, اقبۇلاق جانە سارىبۇلاق وزەندەرىنىڭ جاعالاۋىن تۇرمىستىق جانە وندىرىستىك قالدىق زاتتاردان تازالاۋ كىرەدى, وعان ل. گۋميلەۆ اتىنداعى ەۋرازيا ۇلتتىق ۋنيۆەرسيتەتى مەن س. سەيفۋللين اتىنداعى قازاق اگروتەحنيكالىق ۋنيۆەرسيتەتىنىڭ ستۋدەنتتەرىن, ەرىكتىلەر مەن اسكەري ءبولىمنىڭ اسكەري قىزمەتشىلەرىن تارتۋ ارقىلى جاسالادى.
قالا اكىمدىگى اباتتاندىرۋ, سانيتارلىق تازالاۋ ەرەجەسىنە سايكەس, استانا قالاسى اۋماعىنىڭ تازالىعىن قامتاماسىز ەتۋ جانە تازالاۋدى ۇيىمداستىرۋدى, جەكە كاسىپكەرلىك نىساندارىنىڭ يەسى مەن قالالىق جانە رەسپۋبليكالىق قۇرىلىم بولىمشەلەرىندە ىستەيتىن جۇمىسشىلار پەريمەتر بويىنشا عيماراتتىڭ اينالاسىن 5 مەتر قاشىقتىققا دەيىن تازارتۋى قاجەتتىگىن ەسكە سالادى.
قازىرگى تاڭدا بارلىق جەكەمەنشىك كاسىپكەرلىك جانە مەملەكەتتىڭ قاراماعىنداعى نىسانداردى تەكسەرىپ جاتىر. اباتتاندىرۋ ەرەجەسىن ساقتاماعان جاعدايدا اكىمشىلىك قۇقىق بۇزۋشىلىق تۋرالى كودەكستىڭ 505-بابىنا سايكەس «قالالار مەن ەلدi مەكەندەردiڭ اۋماقتارىن اباتتاندىرۋ قاعيدالارىن بۇزۋ, سونداي-اق قالالار مەن ەلدى مەكەندەر ينفراقۇرىلىمى وبەكتىلەرىن بۇزۋ, جاسىل ەكپەلەرىن جويۋ جانە ءبۇلدىرۋ» بويىنشا ايىپپۇل سالىنادى. قالاداعى بارلىق قۇرىلىس نىساندارىن 29 ناۋرىزدا تەكسەرۋ بارىسىندا 44 نىساننىڭ قۇرىلىس-مونتاج جۇمىستارى توقتاتىلدى, اكىمشىلىك جاۋاپقا جىل باسىنان بەرى قۇرىلىس الاڭدارىندا سانيتارلىق تالاپتى ساقتاماعانى ءۇشىن 87 قۇرىلىس كومپانياسى جاۋاپقا تارتىلدى.
استانا اكىمدىگى قوعامنىڭ نازارىن قالا كوشەلەرىنىڭ تازالىعىن ساقتاۋعا جانە ەكولوگيلىق مادەنيەتتىڭ قالىپتاسۋىنا ءوز ۇلەسىڭىزدى قوسۋعا شاقىرادى.
