- پرەزيدەنت نۇرسۇلتان نازارباەۆتىڭ ء«تورتىنشى ونەركاسىپتىك رەۆوليۋتسيا جاعدايىنداعى دامۋدىڭ جاڭا مۇمكىندىكتەرى» جولداۋىندا ادامي كاپيتال ساپاسىن جاقسارتۋ – نەگىزگى مىندەتتەردىڭ ءبىرى. سوندىقتان دەنساۋلىق ساقتاۋعا, سالاۋاتتى ءومىر سالتىن ناسيحاتتاۋعا جانە جاستاردىڭ رەپرودۋكتسيالىق دەنساۋلىعىن قورعاۋعا, نىعايتۋعا ەرەكشە نازار اۋدارۋ قاجەت. 2017 جىلى ماڭعىستاۋدا 7 ءىرى سپورت نىسانى سالىندى. بۇل «ماڭعىستاۋ ارەنا» سپورت كلۋبى, «باتىر» سپورت كەشەنى (34 ش/ا), «مەلوۆوي» سپورت كەشەنى (3«ب» ش/ا), «Lions Fight Club» جەكپە-جەك ونەرى اكادەمياسى. ناتيجەسىندە 246 جۇمىس ورنى اشىلدى. سونداي-اق, شەتپە, اتامەكەن جانە اقشۇقىردا سپورتتىق كەشەندەر سالىنۋدا. 32 شاعىن اۋداننان 1,5 گەكتاردان اساتىن مۇز سارايى بوي كوتەرمەك. 2500 ورىندىق كەشەن حالىقارالىق ستاندارتتارعا ساي مۇز الاڭىن, فيتنەس زال, كونفەرەنتس-زال, ءباسپاسوز ورتالىعى, كافە جانە مەيرامحانانى قامتيدى. بارلىعى 120-دان استام جاڭا جۇمىس ورنى قۇرىلادى, دەدى وبلىس اكىمى ەرالى توعجانوۆ جيىندا.
ماڭعىستاۋ وبلىستىق دەنە شىنىقتىرۋ جانە سپورت باسقارماسىنىڭ مالىمەتىنە سۇيەنسەك, بۇگىنگى كۇنى وبلىستا سپورتپەن شۇعىلداناتىن ادامداردىڭ سانى 30% -عا نەمەسە 194 832 ادامعا جەتتى. بۇل كورسەتكىش رەسپۋبليكادا 5-ورىن الادى. وبلىستاعى 125 888 ورتا مەكتەپتەگى وقۋشىنىڭ 21 442-ءسى سپورتپەن شۇعىلدانادى. 2017 جىلدىڭ قورىتىندىسى بويىنشا وبلىستا ۇلتتىق سپورت تۇرلەرىمەن اينالىساتىندار سانى 12 659 ادامدى قۇرادى. وبلىستا 19 ۇلتتىق سپورت ءتۇرى بار. سونداي-اق 2018 جىلى 54 ءىرى سپورتتىق ءىس-شارا وتكىزۋ جوسپارلانىپ وتىر.
-قازىرگى كەزدە وبلىستا 624 سپورتتىق نىسان بار. 2017 جىلى ينۆەستورلار قاراجاتىمەن 20-دان استام سپورت الاڭى جانە 8 سپورتتىق نىسان سالىندى. 2018 جىلى ءمجا مەحانيزمى ارقىلى سپورتتىق زالداردىڭ قۇرىلىسى, 17 شاعىن اۋدانداعى ۇستەل تەننيسى ورتالىعى, 26- ىقشاماۋدانداعى سپورت بازاسى, قىزان اۋىلىنداعى سپورت كەشەنى, بوكس ورتالىعىنىڭ قۇرىلىستارى باستالادى, دەدى ماڭعىستاۋ وبلىستىق دەنە شىنىقتىرۋ جانە سپورت باسقارماسىنىڭ باسشىسى بەكبولات بايجانوۆ.
جيىندا سپورت الاڭدارى مەن بالالارعا ارنالعان زالداردىڭ سانىن كوبەيتۋ, اقتاۋ قالاسىندا سالىنىپ جاتقان ءاربىر جاڭا تۇرعىن ءۇي كەشەنىندە سپورت سەكتسيالارى مەن سەكتسيالاردى ۇيىمداستىرۋ ءۇشىن الاڭدار ءبولۋ ماسەلەسى قارالدى. سونىمەن قاتار, وبلىس اكىمى بارلىق ءىرى كاسىپورىنداردىڭ باسشىلارىنا جۇمىسشىلار مەن جاقىن ماڭداعى شاعىن اۋدانداردىڭ تۇرعىندارى ءۇشىن كومپانيا اۋماعىندا سپورتتىق الاڭدار مەن زالدار سالۋدى تاپسىردى.
گۇلايىم شىنتەمىرقىزى,
«ەگەمەن قازاقستان».
ماڭعىستاۋ وبلىسى
