استانا قالاسى اكىمدىگى ءباسپاسوز قىزمەتىنىڭ مالىمەتىنشە, «بايقوڭىر» اۋدانىنىڭ اكىمى قىزمەتىنە ەرلان قاناليموۆتىڭ كانديداتۋراسى ۇسىنىلعان. ءماسليحات دەپۋتاتتارى ۇسىنىستى ءبىراۋىزدان قولدادى.
قاناليموۆ ەرلان ەرمەك ۇلى 1982 جىلى 22 تامىزدا دۇنيەگە كەلگەن. استانا قالاسىنىڭ باسقارۋ ينستيتۋتىندا, قازاقستان-رەسەي ۋنيۆەرسيتەتىندە ءبىلىم العان. استانا قالاسى «سارىارقا» اۋدانى اكىمى اپپاراتى ۇيىمداستىرۋ-باقىلاۋ جانە كادرلىق ءبولىمىنىڭ باس مامانى, باستىعى, اۋدان اكىمىنىڭ كەڭەسشىسى; استانا قالاسى اكىمى اپپاراتىنىڭ ۇيىمداستىرۋ-ينسپەكتورلىق ءبولىمىنىڭ مەڭگەرۋشىسى; اپپارات باسشىسىنىڭ ورىنباسارى; استانا قالاسى اكىمدىگى «داعدارىس ورتالىعى» كمم-ءنىڭ ديرەكتورى بولعان.
جاڭا تاعايىنداۋعا دەيىن "استانا قالاسى ىشكى ساياسات باسقارماسى" مم-ءنىڭ باسشىسى قىزمەتىن اتقارعان. قازاقستان رەسپۋبليكاسى پرەزيدەنتىنىڭ العىس حاتىمەن, بىرقاتار مەرەيتويلىق مەدالدارمەن ماراپاتتالعان.
