انسامبل جەتەكشىسى شاكەن كوپشىكباەۆا باۋىرلاس مەملەكەتتە ۇيىمداستىرىلاتىن بايقاۋ ەرەجەسىمەن عالامتور ارقىلى تانىسىپ, اۋديو جانە ۆيدەو ماتەريالدارىن جولداپ, ىرىكتەۋدەن ىركىلمەي وتكەندەرىن ايتادى.
«بىزگە يران يسلام رەسپۋبليكاسىنىڭ ەلىمىزدەگى ەلشىسىنىڭ قولى قويىلعان شاقىرتۋ كەلدى. تارباعاتاي اۋدانىنىڭ اكىمى دىلدابەك ورازباەۆ ونەر ساپارىمەن وزگە ەلگە بارىپ-قايتۋىمىزعا زور قولداۋ كورسەتىپ وتىر. قازاقستان اۋماعىنداعى شىعىنداردى ءوزىمىز جاپساق, تەگەرانداعى شىعىندى يران تاراپى كوتەرەتىن بولادى. تەگەراندا بىرنەشە كونتسەرت بەرەمىز», دەيدى ول.
بۇگىندە ۇمىتىلىپ بارا جاتقان كونە اسپاپتارىمىزدى قايتا تۇلەتۋ ماقساتىندا 2014 جىلى اقسۋات مادەنيەت ءۇيىنىڭ جانىنان قۇرىلعان توپ يراندىقتارعا ارنايى رەپەرتۋار ازىرلەپتى. ءانسامبلدىڭ بەلدى ءانشىسى ەلامان قۇجىمانوۆ تەگەران تورىندە قازتۋعان جىراۋدىڭ «الاڭ دا الاڭ, الاڭ جۇرت» تولعاۋى مەن الماس اقات ۇلىنىڭ «دومبىراسىن» اۋەلەتسە, كۇيشىلەر نۇرعيسا تىلەنديەۆتىڭ «اققۋ», داۋلەتكەرەيدىڭ «كورۇعلى», حالىقتىڭ «بۇلعىن-سۋسار» كۇيلەرىن كۇمبىرلەتپەك.
ازامات قاسىم,
«ەگەمەن قازاقستان»
شىعىس قازاقستان وبلىسى,
تارباعاتاي اۋدانى,
اقسۋات اۋىلى
