وسىلايشا باستالعان ناۋرىزدى تويلاۋ ءوزىنىڭ ءسان-سالتاناتىمەن جانە ادەمى بەزەندىرىلۋىمەن كوپشىلىكتىڭ كوڭىلىنەن شىقتى دەسەك ارتىق ايتقاندىق ەمەس. مەرەكەلىك شارانى اتاپ ءوتۋ ءۇشىن ابىلايحان الاڭىنا 1500 ادام كەلگەندىگىن ايتا كەتۋ كەرەك. ويتكەنى وسى الاڭعا اقمولا وبلىسىنىڭ ءىرى كاسىپورىندارى مەن ۇيىمدارى كيىز ۇيلەرىن تىككەن بولاتىن. سونىڭ ىشىندە «كوكشەتاۋ مينەرالدى سۋلارى» اق, ش.ءۋاليحانوۆ اتىنداعى كمۋ, «AltۋntauKokshetau» اق, «قتج» ۇك» اق اقمولا بولىمشەسى جانە وزگەلەرى دە بار. ءاربىر اقشاڭقان كيىز ۇيدە مول داستارقان جايىلىپ, كەلگەن قوناقتارعا ءدام تاتتىرىپ جاتتى. ال شارانىڭ ءوزى «تاريح كەرۋەن» تەاترلانعان كورىنىسىنەن باستالدى. باعدارلامانىڭ ءوزى توعىز ايشىقتى كورىنىستەن: «رۋحاني جاڭعىرۋ», «تۇمار», «التىن ادام» «قىدىر اتا», «ناۋرىزكوجە», «كوكشە اقىندارى», «قازاقستان حالقى اسسامبلەياسى», «قازاقستان جاستارى» جانە «مەنىڭ جۇرەگىم – استانا». قالا تۇرعىندارى مەن قوناقتارى جينالعان قاۋىمنىڭ الدىنا شىققان اقمولا وبلىسىنىڭ اكىمى مالىك مىرزالين قۇتتىقتاۋ ءسوز سويلەدى.
– كونە زاماننان بەرى ايشىقتى ناۋرىز مەرەكەسى بەيبىتشىلىك پەن وركەندەۋدىڭ, گۇلدەنۋ مەن مولشىلىقتىڭ مەرەكەسى سانالسا, تاۋەلسىزدىگىمىزدى العاننان كەيىن جاڭا تىنىسىن الدى. ءبىزدىڭ ءوڭىرىمىز ناۋرىزدى ۇلكەن جەتىستىكتەرمەن قارسى الىپ وتىر, سوندىقتان دا بارلىق اقمولالىقتارعا تىنىمسىز دا جەمىستى جۇمىستارىڭىز ءۇشىن ريزاشىلىعىمدى بىلدىرگىم كەلەدى, – دەدى ءوڭىر باسشىسى اعىنان جارىلىپ.
ارتىنان وبلىس باسشىسى تۇساۋكەسەر راسىمىنە قاتىسىپ, حايدار شابانوۆتىڭ تۇساۋىن كەستى. تابيعاتتىڭ تۇلەپ, جاڭا جىلدىڭ باستالۋىمەن اياعىن ەندى ءتاي-ءتاي باسقان بالانىڭ تۇساۋىن كەسۋ ارقىلى وسىلايشا جاڭا ءومىردىڭ باستالعاندىعىن بىلدىرگەن ءراسىم مەرەكەگە وزىندىك ماعىناسىن كىرگىزدى. كيىز ۇيلەر تىگىلگەن قالاشىقتى ارالاپ كورگەن مالىك مىرزالين وسىندا قۇرمەتتى ازاماتتارمەن, ەڭبەك ارداگەرلەرىمەن «رۋحاني جاڭعىرۋ» ۇلتتىق باعدارلاماسى مەن قازاقستان پرەزيدەنتىنىڭ بەس الەۋمەتتىك باستامالارىن جۇزەگە اسىرۋ, سونداي-اق ءتورتىنشى ونەركاسىپتىك رەۆوليۋتسيا جاعدايىندا ءوڭىرىمىزدى دامىتۋ مۇمكىندىكتەرى تۋرالى پىكىر الماستى. ال «ناۋرىز – مەرەكە!» كونتسەرتتىك باعدارلاماسى قازاقستاندىق جۇلدىز الىشەر كارىموۆتىڭ, «دەجاۆيۋ» توبىنىڭ, «قارا گاۋھار» جانە كوكشەتاۋ قالاسىنىڭ وزگە دە شىعارماشىلىق ۇجىمدارىنىڭ قاتىسۋىمەن ءوتتى. بۇدان باسقا, تاۋەلسىزدىك الاڭىندا ۇلتتىق جانە سپورتتىق ءىس-شارالار وتكىزىلدى. وسىلايشا ناۋرىز مەيرامى ءوزىنىڭ ءسان-سالتاناتىمەن جانە ەرەكشە تارتىمدىلىعىمەن قالا تۇرعىندارى مەن قوناقتارىن ءتانتى ەتتى.
اسقار تۇراپباي ۇلى,
«ەگەمەن قازاقستان»
اقمولا وبلىسى
