«بيىلعى ءساۋىر اسا جىلى, ءبىرىنشى جانە ءۇشىنشى ونكۇندىكتە جاۋىن-شاشىن ءجيى بولادى. وسى ايدىڭ ىشىندە جىلى اۋا رايى بىرنەشە رەت سالقىن كۇندەردىڭ قايتىپ كەلۋىمەن الماسىپ وتىرادى. وسى رەتتە سولتۇستىكتە, ورتالىقتا جانە ەلىمىزدىڭ شىعىسىندا اۋا تەمپەراتۋراسى تۇندە 5-15 گرادۋسقا تومەندەپ, ال كۇندىز 0-5 گرادۋسقا دەيىن جىلى بولادى. ال ايدىڭ ورتاسىنا جانە ءۇشىنشى ونكۇندىكتىڭ ورتاسىنا قاراي ورتالىق ازيادان كەلەتىن جىلۋ الماسۋلارىنا بايلانىستى جانعا جايلى جىلىمىق ورنايدى. بۇل كەزدە اۋانىڭ تەمپەراتۋراسى ەلىمىزدىڭ سولتۇستىك ايماقتارىندا كۇندىز 15-23 گرادۋسقا دەيىن جوعارىلاسا, ەلىمىزدىڭ وڭتۇستىك وڭىرلەرىندە 20-28 گرادۋسقا دەيىن بارادى. بىراق ءساۋىر ايىندا اۋا رايى ءالى دە الدامشى بولعاندىقتان, مۇنداي جىلى كۇندەر ۇزاققا سوزىلمايدى. ويتكەنى ءۇشىنشى ونكۇندىكتىڭ باسىندا جانە سوڭىنا قاراي اۋا رايى قايتادان سۋىتا تۇسەدى. ەلىمىزدىڭ سولتۇستىك وڭىرلەرىندە اۋا رايى جاۋىن-شاشىندى بولادى. سونداي-اق ۇزاق مەرزىمدى اۋا رايى بولجامدارى بويىنشا, مامىر ايى جىلى جانە جاۋىن-شاشىندى بولادى دەپ كۇتىلۋدە, تەك رەسپۋبليكانىڭ وڭتۇستىك-باتىسىندا, وڭتۇستىگى مەن ورتالىعىندا جاۋىن-شاشىن نورمادان از تۇسەدى. ماۋسىم-شىلدە ايلارىندا رەسپۋبليكانىڭ باتىسى مەن وڭتۇستىگىن قوسپاعاندا, جاۋىن-شاشىن نورمادان تومەن بولادى دەپ كۇتىلۋدە», دەدى ۇزاق مەرزىمدى اۋا رايى بولجامى باسقارماسىنىڭ باسشىسى گۇلميرا اقىشەۆا.
