مەملەكەت باسشىسى جاريالاعان ۇندەۋدە كوتەرىلگەن باستامالاردىڭ بارلىعى دا قازاقستاندىقتار ءۇشىن وزەكتى ماسەلەلەردى قامتىدى. مىسالى, «7 – 20 – 25» باعدارلاماسى كوپتەگەن جاس شاڭىراقتىڭ وتە وزەكتى ماسەلەسىن شەشۋگە ارنالعان. پاتەرلەردىڭ جەڭىلدەتىلگەن نەسيە ارقىلى بەرىلۋىن جولعا قويۋ بەلگىلى ءبىر دەڭگەيدە جاستارعا جاسالىپ وتىرعان ۇلكەن قامقورلىق.
ەكىنشى ماسەلە ءبىلىم گرانتتارىنا بايلانىستى. 2018-2019 وقۋ جىلىنان باستاپ قوسىمشا 20 مىڭ ءبىلىم گرانتى بولىنەتىن بولدى. بۇل دا جاستاردىڭ جوعارى ءبىلىم الۋىنا, بىلىكتى مامان بولىپ شىعۋىنا ۇلكەن ىقپال ەتەتىنى انىق.
ەلباسى ۇندەۋىندە ايتىلعان ماسەلەنىڭ ءبىرى – شاعىن جانە ورتا بيزنەس وكىلدەرىنە قولداۋ كورسەتۋ. وسى باعىتتا بيىلدان باستاپ ميللياردتاعان كولەمدە قوماقتى قاراجات بولىنبەك. شاعىن جانە ورتا بيزنەستى دامىتۋ ءبىزدىڭ مەملەكەتىمىز ءۇشىن اسا ماڭىزدى ماسەلەلەردىڭ ءبىرى. ويتكەنى ول جالپى حالىقتى جۇمىسپەن قامتۋداعى بىردەن-ءبىر توتە جول, شاعىن جانە ورتا بيزنەستەن تۇسەتىن سالىق تا مەملەكەت قازىناسىن بايىتا تۇسەدى.
قازاقتا «جەل باسىنان سيپاسا, جەردەگى گۇل جەتىلەر, ەل باسىنان سيپاسا, يەندەگى ەر جەتىلەر» دەگەن. ياعني قازاقستاندىقتار وزىنە قامقورلىق جاسايتىن مەملەكەتى بار ەكەندىگىن سەزىندى. بۇل وسى باعىتتا جاسالعان ۇلكەن ءبىر جوبا دەپ ايتۋىمىزعا بولادى.
عابيت تۇياقباەۆ,
قورقىت اتا اتىنداعى قمۋ قازاق ءتىلى مەن ادەبيەتى جانە جۋرناليستيكا كافەدراسىنىڭ مەڭگەرۋشىسى
قىزىلوردا وبلىسى
