اتالعان كوميتەتتىڭ وتىرىسىندا «قازاقستان رەسپۋبليكاسىنىڭ ۇكىمەتى مەن بەلارۋس رەسپۋبليكاسىنىڭ ۇكىمەتى اراسىنداعى 1997 جىلعى 11 ساۋىردەگى تابىس پەن م ۇلىككە قوسارلانعان سالىق سالۋدى بولدىرماۋ جانە سالىق تولەۋدەن جالتارۋعا جول بەرمەۋ تۋرالى قازاقستان رەسپۋبليكاسىنىڭ ۇكىمەتى مەن بەلارۋس رەسپۋبليكاسىنىڭ ۇكىمەتى اراسىنداعى كەلىسىمگە وزگەرىستەر مەن تولىقتىرۋلار ەنگىزۋ تۋرالى حاتتامانى راتيفيكاتسيالاۋ تۋرالى» زاڭ جوباسى قارالدى.
2016 جىلعى 16 ناۋرىزدا مينسكىدە قول قويىلعان حاتتاما سالىق تولەۋدەن جالتارۋعا جول بەرمەۋ جانە قوسارلانعان سالىق سالۋدى بولدىرماۋ ماقساتىندا سالىق سالۋ ماسەلەلەرى بويىنشا اقپارات الماسۋ ارقىلى ەكى ەلدىڭ سالىقتىق قۇرىلىمدارىنىڭ ىنتىماقتاستىعىن كەڭەيتۋدى كوزدەيدى. قۇجاتپەن «قازاقستان» دەگەن تەرمينگە وزگەرىس ەنگىزىلدى, سونداي-اق قولدانىستاعى زاڭناماعا سايكەس كەلىسىم قولدانىلاتىن سالىقتاردىڭ اتاۋلارى ناقتىلاندى.
سونداي-اق «تۇراقتى مەكەمە» دەگەن تەرمين بارلاۋ جۇرگىزۋدىڭ ءبىرىنشى كۇنىنەن باستاپ تابيعي رەسۋرستاردى بارلاۋدان تۇسەتىن تابىستارعا سالىق سالۋعا مۇمكىندىك بەرەتىن ماتىندە جازىلدى. ودان باسقا, ەلىمىزدىڭ ەكونوميكالىق مۇددەلەرىن قورعاۋ ماقساتىندا اكتسيالاردى, قاتىسۋ ۇلەستەرىن وتكىزۋ كەزىندە جەكەلەگەن تابىستارعا پايىزدار, رويالتي, قۇن ءوسىمى بولىگىندە سالىق سالۋ ماسەلەلەرىن قايتا قاراۋعا بايلانىستى وزگەرىستەر ەنگىزىلدى.
زاڭ جوباسى پالاتانىڭ قاراۋىنا جىبەرىلدى.
