وقيعا وسىدان بىرەر كۇن بۇرىن تارازداعى ايالدامالاردىڭ بىرىندە بولعان. ەكى ەر ادام ءجاسوسپىرىمدى كولىككە كۇشتەپ وتىرعىزباق بولعان ساتتە وقيعا ورنىنان تابىلعان نۇركەن وماروۆ جىلدام شەشىم قابىلداپ, باتىل ارەكەتكە كوشەدى. ونىڭ وسى قادامىنىڭ ارقاسىندا قىز بالانىڭ ومىرىنە تونگەن قاۋىپ سەيىلدى. وبلىستىق پوليتسيا دەپارتامەنتىنىڭ مالىمەتىنشە, كۇدىكتىلەر جەدەل ۇستالىپ, قازىر سوتقا دەيىنگى تەرگەۋ امالدارى جۇرگىزىلىپ جاتىر.
ء«جاسوسپىرىمنىڭ جۇزىنەن قورقىنىش بايقاعان سوڭ, ءبىر شيكىلىكتىڭ بارىن بىردەن سەزدىم. مەن بۇل قادامعا قانداي دا ءبىر ماراپات الۋ ءۇشىن بارعان جوقپىن, مۇنى ازاماتتىق ءارى اكەلىك بورىشىم دەپ ەسەپتەيمىن. بالا – ءبىزدىڭ بولاشاعىمىز, جۇرەگى بار كەز كەلگەن ەر-ازامات وسىنداي جاعدايدا ءۇنسىز قالماۋى كەرەك», دەيدى نۇركەن وماروۆ.
ءوڭىر باسشىسى ە.قاراشوكەەۆ قوعام تىنىشتىعىنا بەيجاي قاراماعان ازاماتتىڭ بۇل ارەكەتىن جوعارى باعالادى. ن.وماروۆتىڭ سىن ساتتە جاۋاپكەرشىلىك تانىتىپ, «زاڭ مەن ءتارتىپ» قاعيداتىن بەرىك ۇستانعانى وسكەلەڭ ۇرپاققا ۇلگى ەكەنىن اتاپ ءوتتى. سونداي-اق شاھار تۇرعىنىنىڭ الەۋمەتتىك جاعدايىمەن تانىسقان وبلىس اكىمى ونى تۇراقتى جۇمىسپەن قامتۋ ءۇشىن جاۋاپتى تۇلعالارعا ناقتى تاپسىرما بەردى.
تاراز
