فوتو: istockphoto.com
سينوپتيكتەردىڭ مالىمەتىنشە, استانادا جاڭبىر جاۋىپ, نايزاعاي وينايدى. جەلدىڭ ەكپىنى سەكۋندىنا 15-20 مەترگە دەيىن جەتەدى.
الماتى قالاسىندا جوعارى ءورت قاۋپى ساقتالادى. ال الماتى وبلىسىندا كۇندىز اۋا تەمپەراتۋراسى +35…+37 گرادۋسقا دەيىن كوتەرىلىپ, ءوڭىردىڭ بىرقاتار اۋماعىندا توتەنشە ءورت قاۋپى كۇتىلەدى. قوناەۆ قالاسىندا دا اپتاپ ىستىق بولجانىپ وتىر.
شىمكەنت پەن تۇركىستان وبلىسىندا جاڭبىر مەن نايزاعاي كۇتىلەدى. قىزىلوردا وبلىسىندا ءورت قاۋپىنىڭ دەڭگەيى وتە جوعارى بولماق.
جامبىل وبلىسىندا كۇندىز اۋا تەمپەراتۋراسى +39 گرادۋسقا دەيىن كوتەرىلىپ, رەسپۋبليكاداعى ەڭ جوعارى كورسەتكىش تىركەلەدى. سونىمەن قاتار اباي, جەتىسۋ, شىعىس قازاقستان جانە الماتى وبلىستارىندا +35…+38 گرادۋس ارالىعىندا قاتتى ىستىق بولادى.
اقمولا, قوستاناي, پاۆلودار, قاراعاندى, اباي, باتىس قازاقستان, اتىراۋ جانە ماڭعىستاۋ وبلىستارىندا جاڭبىر, نايزاعاي مەن بۇرشاق كۇتىلەدى. كەيبىر وڭىرلەردە جەلدىڭ ەكپىنى 20-28 م/س-قا دەيىن كۇشەيۋى مۇمكىن.
سولتۇستىك قازاقستان, قوستاناي, قاراعاندى جانە باتىس قازاقستان وبلىستارىندا قۇبىلمالى اۋا رايى ساقتالادى.
سينوپتيكتەر تۇرعىنداردى اۋا رايىنىڭ كۇرت وزگەرۋىنە بايلانىستى ساقتىق شارالارىن قاتاڭ ساقتاۋعا شاقىرادى.
ەسكە سالا كەتەيىك, «قازگيدرومەت» ۇسىنعان بولجامعا سايكەس, ماۋسىم جانە تامىز ايلارى ادەتتەگىدەن ىستىق بولادى. قازاقستان اۋماعىندا اۋا تەمپەراتۋراسى كليماتتىق نورمادان 1-2 گرادۋسقا جوعارى بولۋى مۇمكىن.
