ۆيدەودان الىنعان كادر
ۆەدومستۆو مالىمەتىنشە, رايىمبەك داڭعىلىندا ءتارتىپ ساقشىلارى كۇدىك تۋدىرعان ەر ادامدى توقتاتىپ, تەكسەرگەن. ءتىنتۋ بارىسىندا ونىڭ سومكەسىنەن پىشاق پەن سىرتقى ءتۇرى گراناتاعا ۇقساس زات تابىلعان.
وقيعا ورنىنا جەدەل-تەرگەۋ توبى مەن ساپەر ماماندارى شاقىرىلعان. تەكسەرۋ ناتيجەسىندە تاركىلەنگەن زاتتىڭ وقۋ-جاتتىعۋ گراناتاسى ەكەنى جانە ەشقانداي قاۋىپ توندىرمەيتىنى انىقتالعان.
ۇستالعان ازاماتتىڭ ايتۋىنشا, ول بۇل زاتتاردى بۇرىن تاۋىپ العان, ال پىشاقتى تۇرمىستىق قاجەتتىلىك ءۇشىن وزىمەن بىرگە الىپ جۇرگەن. قازىرگى ۋاقىتتا بۇل مالىمەتتىڭ راس-وتىرىگى تەكسەرىلىپ جاتىر.
سونداي-اق پوليتسيا ەر ادامنىڭ بۇعان دەيىن قىلمىستىق جاۋاپكەرشىلىككە تارتىلعانىن انىقتادى.
الماتى قالاسىنىڭ پوليتسياسى تۇرعىنداردى وزىمەن بىرگە قاۋىپ ءتوندىرۋى مۇمكىن زاتتاردى الىپ جۇرمەۋگە شاقىرىپ, قارۋ-جاراققا نەمەسە وق-دارىگە ۇقساس كۇماندى زاتتار تابىلعان جاعدايدا دەرەۋ «102» نومىرىنە حابارلاۋدى سۇرادى.
