وتىرىسقا پارلامەنت ءماجىلىسىنىڭ دەپۋتاتتارى مارات سوۆەت ۇلى باشيموۆ, ەكاتەرينا ۆاسيلەۆنا سمىشلياەۆا, ىشكى ىستەر مينيسترلىگىنىڭ, عىلىم جانە جوعارى ءبىلىم مينيسترلىگىنىڭ «ۇلتتىق مەملەكەتتىك عىلىمي-تەحنيكالىق ساراپتاما ورتالىعى» اق-نىڭ, ادىلەت مينيسترلىگىنىڭ زاڭناما جانە قۇقىقتىق اقپارات ينستيتۋتىنىڭ وكىلدەرى, ل.ن. گۋميلەۆ اتىنداعى ەۋرازيا ۇلتتىق ۋنيۆەرسيتەتىنىڭ «استانا» حالىقارالىق ۋنيۆەرسيتەتىنىڭ, باس پروكۋراتۋرا جانىنداعى قۇقىق قورعاۋ ورگاندارى اكادەميالارىنىڭ جەتەكشى عالىمدارى, مەملەكەتتىك ورگاندار مەن ۇيىمداردىڭ وكىلدەرى قاتىستى.
وتىرىستى اشا وتىرىپ, كوميتەت توراعاسى نۇرلىباي ءسابيت كوميتەتكە بولجامدى-تالدامالىق قىزمەتتى جۇزەگە اسىرۋ جونىندەگى جاڭا فۋنكتسيانى بەكىتكەن زاڭنامالىق تۇزەتۋلەردىڭ قابىلدانعانىن, سونداي-اق بۇدان بۇرىن ەل باسشىلىعىنا كورسەتىلگەن تسيفرلىق ترانسفورماتسيا مەن جاساندى ينتەللەكتتى ەنگىزۋ ناتيجەلەرىن اتاپ ءوتتى.
كوميتەتتىڭ قىلمىستىق قاۋىپ-قاتەردىڭ جانە قوعامدىق قاۋىپسىزدىكتىڭ تاۋەكەلدەرىن بولجاۋ ورتالىعى قىلمىستىق قاۋىپ-قاتەرلەر مەن قوعامدىق قاۋىپسىزدىك تاۋەكەلدەرىن بولجاۋ جۇيەسىن ەنگىزۋ ناتيجەلەرىن, سونداي-اق ودان ءارى دامىتۋ جوسپارلارىن ۇسىندى.
ازىرلەنگەن تسيفرلىق شەشىمدەردىڭ تاجىريبەلىك ماڭىزدىلىعىنا ەرەكشە نازار اۋدارىلدى. ەنگىزىلگەن تسيفرلىق قۇرالدار قازىردىڭ وزىندە جاسالعان قۇقىق بۇزۋشىلىقتاردى تىركەپ قانا قويماي, جاسىرىن تاۋەكەلدەردى ەرتە كەزەڭدە – قۇقىقتىق اقپاراتتىڭ ۇلكەن كولەمدەرىن تالداۋ, ۆەدومستۆوارالىق ينتەگراتسيالار دەرەكتەرى مەن مەديا كەڭىستىكتىڭ مونيتورينگى نەگىزىندە انىقتاۋعا مۇمكىندىك بەرەدى.
جۇيەلەر قۇقىق بۇزۋشىلىقتاردىڭ ىقتيمال ديناميكاسىن بولجايدى جانە جاعىمسىز سالدار تۋىنداعانعا دەيىن جاعدايدىڭ ىقتيمال ەسكالاتسياسى تۋرالى بەلگى بەرەدى.
ەنگىزىلەتىن قۇرالداردى عىلىمي نەگىزدەۋ ءۇشىن ەلىمىزدىڭ جەتەكشى عىلىمي-زەرتتەۋ ينستيتۋتتارىمەن ىنتىماقتاستىق جولعا قويىلعان.
وتىرىستا «استانا» حالىقارالىق ۋنيۆەرسيتەتىنىڭ اقپاراتتىق تەحنولوگيالار جانە ينجەنەريا جوعارى مەكتەبىنىڭ PhD پروفەسسورى الىبەك بارلىباەۆ قايتالاما قۇقىق بۇزۋشىلىقتاردى بولجاۋ جانە قىلمىستى كەڭىستىكتىك تالداۋ سالاسىنداعى عىلىمي زەرتتەۋلەردىڭ ناتيجەلەرىن ۇسىندى.
وتىرىس قورىتىندىسى بويىنشا پارلامەنت ءماجىلىسىنىڭ دەپۋتاتتارى, كەڭەس مۇشەلەرى كوميتەت جۇرگىزگەن جۇمىستاردىڭ ناتيجەلەرىن وڭ باعالاپ, سونداي-اق بولجاۋ جانە ەرتە الدىن الۋ جۇيەلەرىن ودان ءارى دامىتۋ بويىنشا بىرقاتار تاجىريبەلىك ۇسىنىمدار ازىرلەدى. وسى ۇسىنىستاردى بىرلەسىپ ىسكە اسىرۋ قوعامدىق قاۋىپسىزدىكتى قامتاماسىز ەتۋدىڭ جانە ازاماتتاردىڭ مەملەكەتتىك ينستيتۋتتارعا دەگەن سەنىمىن ارتتىرۋدىڭ پارمەندى قۇرالى رەتىندە «زاڭ مەن ءتارتىپ» قاعيداتىن نىعايتۋعا مۇمكىندىك بەرەدى.
ەلىمىزدەگى ەڭ ءىرى جوو وقىتۋشىلارى مەن ستۋدەنتتەرى رەفەرەندۋمدى قولدادى
