فوتو: Polisia.kz
اتىراۋ وبلىسىندا براكونەرلىك پەن بالىق ونىمدەرىنىڭ زاڭسىز اينالىمىنىڭ جولىن كەسۋگە, سونداي-اق كاسپي ءوڭىرىنىڭ بيورەسۋرستارىن قورعاۋعا باعىتتالعان «بەكىرە–2026» جەدەل-پروفيلاكتيكالىق ءىس-شاراسى تۇراقتى تۇردە وتكىزىلىپ كەلەدى.
جۋىردا پوليتسيا قىزمەتكەرلەرى زاڭسىز اينالىمنان 4 توننادان استام بالىق ءونىمىن تاركىلەدى. ونىڭ ىشىندە 911 كەلىدەن استام بەكىرە تۇقىمداس بالىق جانە شامامەن 1 كەلى بەكىرە ۋىلدىرىعى بار.
اتىراۋ وبلىسىندا براكونەرلەردەن 6 توننادان استام بالىق تاركىلەندى
تاركىلەنگەن ءونىمنىڭ بارلىعى «ورال-اتىراۋ بەكىرە بالىق ءوسىرۋ زاۋىتىنا» تاپسىرىلدى.
ءجپىش باستالعالى زاڭسىز بالىق اۋلاۋ, ساقتاۋ, تاسىمالداۋ جانە بالىق ونىمدەرىن وتكىزۋگە قاتىستى 152 قۇقىق بۇزۋشىلىق انىقتالدى. جەتى قىلمىستىق ءىس بويىنشا سوتقا دەيىنگى تەرگەپ-تەكسەرۋ امالدارى جۇرگىزىلىپ جاتىر.
سونىمەن قاتار زاڭسىز اۋلاۋعا ارنالعان 19 قۇرال مەن قۇقىققا قايشى ارەكەتتەردە پايدالانىلماق بولعان 10 ءجۇزۋ قۇرالى تاركىلەندى.
اقتاۋدا 40 كەلى قىزىل بالىقتى زاڭسىز تاسىمالداعان كۇدىكتى ۇستالدى
بۇدان بولەك, پوليتسيا ۋاكىلەتتى ورگاندارمەن بىرلەسىپ تۇرعىندار مەن بالىق شارۋاشىلىعى سۋبەكتىلەرىنىڭ وكىلدەرى اراسىندا پروفيلاكتيكالىق جانە ءتۇسىندىرۋ جۇمىستارىن جۇرگىزۋدە. ازاماتتارعا تابيعاتتى قورعاۋ زاڭناماسىنىڭ تالاپتارى مەن بالىق ونىمدەرىن زاڭسىز اۋلاۋ جانە اينالىمعا جىبەرۋ ءۇشىن قاراستىرىلعان جاۋاپكەرشىلىك تۋرالى اقپارات بەرىلدى.
پوليتسيا بۇل باعىتتاعى جۇمىستار جۇيەلى تۇردە جالعاساتىنىن اتاپ ءوتتى. نەگىزگى ماقسات — ەكولوگيالىق قىلمىستاردىڭ الدىن الۋ جانە ەلدىڭ تابيعي رەسۋرستارىن ساقتاۋ.
اقمولا وبلىسىندا زاڭسىز بالىق اۋلاعان ەكى تۇرعىن سوتتالدى
سونداي-اق ازاماتتاردى قورشاعان ورتاعا ۇقىپتى قاراۋعا جانە بالىقتى زاڭسىز اۋلاۋ مەن اينالىمعا جىبەرۋ دەرەكتەرى تۋرالى قۇقىق قورعاۋ ورگاندارىنا جەدەل حابارلاۋعا شاقىردى.
اتىراۋ وبلىسىندا بۇعان دەيىن دە براكونەرلەردەن 6 توننادان استام بالىق تاركىلەندى.
