ناۋرىزدىڭ ءبىرى كەلدى.
كوكتەم قىز تاققا وتىردى بۇگىن ەندى.
«اي, ايەل باستاعان كوش وڭبايدى» — دەپ,
كارى قىس قۋ جانىنان تۇڭىلەدى.
ىشىنەن قايتالايدى «اتتەگەنىن»,
سوندا دا ەستىپ قالدىم «قاپ...» دەگەنىن.
ءوز قىزى عوي.
بىراق تا پەرزەنتكە دە,
قياتىن دۇنيە مە تاق دەگەنىڭ...
بيلىكتەن ايرىلۋ دا وڭاي ەمەس...
وتەدى كوز الدىنان تالاي ەلەس.
ءالى دە بورانداتىپ كورۋ كەرەك,
بەرىلە سالعان بىردەن قولاي ەمەس...
كوكتەمنىڭ كەرەمەتىن قارا دا دا تۇر,
ءبىر ادەمى ىڭىل بار دالادا كىل...
...ارلەۋ ءۇشىن ۇلىقتاۋ سالتاناتىن,
الىستان ءانشى-كۇيشى كەلە جاتىر.
قۇرىعىنان قاشتىم دا ساياق مۇڭنىڭ,
كوڭىلىممەن اناۋ قىردى بوياپ, كۇلدىم.
...قانشا تۇياق سەرىپسە دە داۋرەنى وتكەن,
قىستى دا ءبىر جاعىنان اياپ تۇرمىن...
باۋىرجان باباجان ۇلى
كوكتەم ءالى كەلگەن جوق...
كوكتەم ءالى كەلگەن جوق,
شۋلاماڭدار,
شۋلاماڭدار, بەكەرگە, شۋلى الاڭدار.
ۇناتپايدى كوكتەمنىڭ كەلگەندىگىن
قۋراعان ءشوپ, قارتايىپ قۋراعان تال.
وزگەرىپ تە كەتكەن جوق ءومىر, دارا,
وزگەرگەنى بولماسا ءوڭىر عانا.
كوكتەم كەلدى – دەگەنى,
مىنا جۇرتتىڭ,
كۇنتىزبەگە الدانعان كوڭىل عانا.
جاتقان بولار كەشىگىپ,
كىم بىلەدى؟!
جۇرتقا سالساڭ وسى عوي...
بۇلدىرەدى.
كەرىم سۇلۋ – كوكتەمنىڭ كەلگەندىگىن
ءبىرىنشى بوپ – بايشەشەك بىلدىرەدى.
ءومىر دەگەن, بولعان سوڭ وي الاڭى,
سۇراقتارىن پەندەلەر قويادى ءالى.
كەلەر بولسا شىنىمەن كوكتەم ك ۇلىپ
الدىمەنەن اعاشتار ويانادى.
ءبىز ەمەسپىز ىزدەيتىن, تاباتىن دا,
ءبىز ەمەسپىز ءسوندىرىپ, جاعاتىن دا.
انگە بولەپ جىبەرەر اينالانى
كوكتەم – دەگەن, قۇستاردىڭ قاناتىندا.
شۇعىلاسىن بايلاعان بۇرىمىنا
سەندىرمەيدى كۇننىڭ دە نۇرى مىنا.
كوكتەم كەلدى – دەگەنىڭ,
بار بولعانى,
نازىمقوڭىر ناۋرىزدىڭ ءبىرى, عانا!
الىبەك شەگەباي
ناۋرىزدىڭ ءبىرى مە, ەرتەڭ؟..
تۇرعانى-اي ءبىر سەزىمنىڭ الىپ قاشىپ,
كوشەگە شىعايىقشى ك ۇلىپ, ەركەم,
كوكتەمكوز عاشىقتارداي قول ۇستاسىپ!
بالا گۇل كوڭىلىندەي,
اق جۇزىڭدە القىزىل وت الماسىپ,
كوكتەمنىڭ ەڭ العاشقى شەرۋىندە,
قايىڭدارمەن جۇرەيىك قاتار باسىپ!
موينىڭدا كۇلگىن ءشəلى,
جاسىل كويلەك – جاڭا ۇران كورىككە شىن,
كۇلكىڭدى ساندۋعاش پەن بۇلبۇل سالىپ,
گۇلدەر نəزىكتىگىڭە ەلىكتەسىن.
يىققا قۇستار قونىپ,
بۇيىققان دۇنيە بىزگە ەلەڭدەسىپ,
سەنى كورگەن ادامدار قۇشتار بولىپ:
«اقىننىڭ جارى, شىركىن, ولەڭ!» دەسىن.
سەن سوندا əنتەك ك ۇلىپ,
كوزىڭنىڭ جورتا قارا شالعايىنان,
مەن, بولسام, جۇرەكتەردى ورتەپ تۇرىپ,
سۇيەرمىن سول ولەڭنىڭ ماڭدايىنان.
كوكتەمنىڭ ءبىرى مە, ەرتەڭ,
سəت پە بۇل قىستىڭ سوڭعى كەشى كىرگەن؟!.
…كورەسىڭ, ءبىر كوكتەمدى تۇبىندە, ەركەم,
مەن سەنىڭ اتاپ كەتەم ەسىمىڭمەن!
ەرلان ءجۇنىس
***
1-ءشى مارتقا بيلەت الدى كوكتەم,
مەن كۇتىپ جۇرگەن جان-تىن ول-دى كوپتەن.
سونشالىق ءتوزىم بەرگەن, سەزىم بەرگەن,
ماحاببات مəڭگى نەتكەن, مəڭگى نەتكەن!
ميراس اسان
***
اقپاننىڭ سوڭى — اق قاردىڭ سورى,
باقتاردىڭ ءبارىن جىلاتقان.
سۋسيدى كورپە جاپقان كۇلتەلى,
سىڭسيدى سىلقىم بۇلاقتار.
ناۋرىزدىڭ باسى — جالعىزدىڭ جاسى,
قار قىزدىڭ قوش بول دەگەنى.
اعىل دا تەگىل تاۋ-قۇزدىڭ باسى,
ا-حا-حاي كوكتەم كەلەدى!
كەرىلىپ شىقتى كەرىم بەل الدان,
تەبىندەپ وسكىن ق ۇلىن جال.
مەنىڭ دە قارعام كوڭىلدە جانعان,
سەزىمگە مالعان جىرىم بار.
جىميا كەلدى, قيىلا كەلدى,
قۇيىلا كەلدى تۇماعا.
بىزگە دە ءبىر باق بۇيىرادى ەندى,
بۋلىعىپ, ساۋلەم, جىلاما.
سول ەسكى جىردىڭ جالعاسى قالعان,
قىسىرداي قىلپىپ تۇلەپ ەم.
بيىلعى جىلدىڭ ءتول باسى بولعان –
بۇلقىنىپ تۋعان بۇل ولەڭ.
قايسار قاۋىمبەك
