قايىرىمدىلىق سەانس «كinopark» كينوتەاترلار جەلىسىنىڭ قولداۋىمەن ءوتتى. شارا ارقىلى جاستار ادامداردى ءبىر-بىرىنە مەيىرىمدى بولۋعا, قولدان كەلگەن كومەكتى اياماۋعا شاقىرادى. سونىمەن قاتار, 1 ناۋرىز – العىس كۇنى «نۇر وتان» پارتياسىنىڭ مەرەيتويىمەن تۇسپا-تۇس كەلدى. بيىل ەلباسى توراعالىق ەتەتىن پارتيا 19 جىلدىعىن تويلايدى. پارتيانىڭ جاستار قاناتى قوس مەرەكەنى بالالارعا سىيلىق جاساپ, قۋانىش سىيلاۋ ارقىلى اتاپ ءوتۋدى شەشكەن.
«وسىنداي قايىرىمدىلىق اكتسيالارىن كوبىرەك وتكىزگىمىز كەلەدى. سەبەبى باسقاعا جاقسىلىق جاساۋ ارقىلى, ءار ادام ءوزىن باقىتتىراق سەزىنەتىنىنە سەنىمدىمىن. جاستاردى جاقسىلىق جاساۋعا, كىشىگە قامقور بولۋعا, قوعامداعى ماسەلەلەرگە بەي-جاي قاراماۋعا ۇيرەتكىمىز كەلەدى. بۇل باستاما ءبىر كۇندىك اكتسيا بولىپ قالماۋى كەرەك, ارى قاراي جالعاسىن تابادى دەپ سەنەمىز جانە ءوز تاراپىمىزدان ۇيىمداستىرىپ تۇرۋعا كۇش سالامىز», دەيدى «جاس وتان» جق توراعاسى دانيار سۇندەتباەۆ.
قىزىق قالجىڭ مەن كۇلكىلى ساتتەرگە تولى ءفيلمدى كورگەن بالالار تاماشا كوڭىل كۇيمەن شىقتى. ءبىرى ەڭ قىزىقتى ساتتەردى ەسىنە السا, قالعاندارى فيلمنەن العان اسەرلەرىمەن ءبولىستى.
