مۋزەي كۇندەلىكتى جۇمىسىندا ءوز كورەرمەندەرىن ەلىمىزدىڭ ونەر الەمىنە قوسىلعان جاڭا بۋىن وكىلدەرىمەن تانىستىرۋ ارقىلى تالانتتى جاستاردىڭ شىعارماشىلىعىن قولداپ قازىرگى كەزەڭدەگى ۇلتتىق ونەر جەتىستىكتەرىن ناسيحاتتاۋعا ۇلەس قوسۋدا. اتالعان كورمە قالىپتاسۋعا, كاسىپتىك وسۋگە, بىلىكتىلىكتى قاداعالاۋعا, كورمەنىڭ قاتىسۋشىلارىنىڭ شەبەرلىگىن, سونداي-اق تۇتاس كوركەمدىك دەڭگەيدەگى كورىنىسىن, داستۇرىنە, مەكتەپتەرىنە جانە شىعارماشىلىعىنا تۇتاس كوزقاراسپەن قاراۋعا مۇمكىندىك بەرەدى.
اۆتورلاردىڭ تۋىندىلارى – ولاردىڭ باي, رۋحاني الەمىنىڭ كورىنىسى. سۋرەتشىلەردىڭ شىعارمالارىندا ءارتۇرلى تابيعي لاندشافتار, ەتنوستىق سيۋجەتتەر جانە تاعى باسقا تۋىندىلارى ەرەكشە كورىنىس تۋدىرادى. «جاڭعىرۋ-2018» كورمەسىنە ءوز تۋىندىلارىن قويعان اۆتورلار ارقايسىسى جەكە-دارا, ارقايسىنىڭ وزىندىك قولتاڭباسى جانە ءستيلى بار.
مىڭ ءبىر جىلعا يەك ارتقان سالتاناتتى شاھارداعى ءوتىپ جاتقان كورمە – بۇل ارايلى الماتىداعى ەڭ ۇزدىك جاس سۋرەتشى-پەداگوگتاردىڭ وزگەشە شىعارماشىلىق جەتىستىكتەرىنىڭ ەسەبى دەرلىك. ولار مىڭ قۇبىلعان كوڭىل كوگىنىڭ اسقاقتىعى ارقىلى وزدەرىنىڭ كاسىبي جەتىستىكتەرىمەن بولىسكەنى دەپ بىلەمىز. ەلىمىزدىڭ جارقىن بولاشاعىن زەرلى بوياۋلاردىڭ تانىتار ارايلى شاپاعى دەرسىز.
ساپارباي پارمانقۇل,
«ەگەمەن قازاقستان»
الماتى
