بيىل «ەگەمەن قازاقستان» گازەتى كەنجەلەپ قالعان وسى ونەردىڭ كەڭىنەن دامۋىنا ءوز ۇلەسىن قوسىپ, قىلقالام شەبەرلەرىنىڭ وسپاق ونەرىن وقىرماندارعا تەرەڭ ناسيحاتتاۋدى قولعا الىپ وتىر. وسى رەتتە تۇڭعىش رەت گازەتىمىزدىڭ كاريكاتۋراشىلارعا ارنالعان ارنايى سىيلىعى تاعايىندالدى. اتالمىش كونكۋرستىڭ بيىلعى تاقىرىبى – استانا قالاسىنىڭ 20 جىلدىعىنا ارنالادى. «استانا ايشىقتارى» تاقىرىبىنداعى ونەر دوداسىنا تومەندەگى ەرەجەلەر بويىنشا كەز كەلگەن تالانتتى سۋرەتشى ءوزىنىڭ باعىن سىناپ, بابىن بايقاۋىنا بولادى. ەندەشە ىسكە ءسات!
«ەگەمەن قازاقستان» گازەتىنىڭ كاريكاتۋراشىلارعا ارنالعان سىيلىعى ءۇشىن كونكۋرسقا قاتىسۋ
ەرەجەسى
1. جالپى ەرەجەلەر
1.1. بايقاۋدى ۇيىمداستىرۋشى – «ەگەمەن قازاقستان» رگ» اق. ورنالاسقان مەكەنجايى: استانا قالاسى, 010000, «ەگەمەن قازاقستان» گازەتى كوشەسى 5/13.
1.2. «ەگەمەن قازاقستان» گازەتىنىڭ كاريكاتۋراشىلارعا ارنالعان سىيلىعى ءۇشىن كونكۋرس جىلىنا 1 رەت ۇيىمداس- تىرىلادى جانە كونكۋرستىڭ تاقىرىبى جىل سايىن وزگەرىپ تۇرادى. كونكۋرس تاقىرىبىن «ەگەمەن قازاقستان» رگ» اق رەداكتسيا القاسى بەكىتەدى. كونكۋرس تۋرالى حابارلاندىرۋ «ەگەمەن قازاقستان» گازەتىندە جانە www.egemen.kz سايتىندا جاريالانادى.
2018 جىلعى كاريكاتۋرا كونكۋرسىنىڭ تاقىرىبى: استانا ايشىقتارى.
1.3. كونكۋرقا قاتىسۋشىلارعا جاسىنا بايلانىستى شەكتەۋ قويىلمايدى.
1.4. ۇمىتكەرلەردىڭ ماتەريالدارى كونكۋرس جاريالانعان كۇننەن باستاپ, 3 اي مەرزىم ىشىندە قابىلدانادى. كونكۋرس قورىتىندىسى 3 اي مەرزىم اياقتالعاننان كەيىنگى 5-10 كۇن ىشىندە شىعارىلادى.
1.5. كونكۋرسقا كەلىپ تۇسكەن ماتەريالداردى «ەگەمەن قازاقستان» گازەتىنىڭ رەداكتسيا القاسىنان قۇرالعان كوميسسيا (بۇدان ءارى – كونكۋرستىق كوميسسيا) باعالايدى.
2. نەگىزگى شارتتارى مەن تالاپتار
2.1. كونكۋرسقا ۇسىنىلاتىن كاريكاتۋرا بۇرىن باسقا باسىلىمدا نەمەسە ينتەرنەت-رەسۋرستا جاريالانباعان بولۋى ءتيىس.
2.2. سۋرەتتەر اق-قارا نەمەسە ءتۇرلى تۇستە بولۋى مۇمكىن. ماتەريالدىڭ كولەمى A4 فورماتىنان اسپاۋى ءتيىس.
2.3. ەڭ كوبى 5 جۇمىسقا دەيىن قابىلدانادى. ءار كاريكاتۋراعا اتاۋ نەمەسە ايدار قويىلۋى ءتيىس. ماتەريال ەلەكتروندى نۇسقادا ۇسىنىلعان جاعدايدا كاريكاتۋرانىڭ اتاۋ/ايدارى فايلدىڭ اتاۋى رەتىندە ساقتالۋى كەرەك.
2.4. كونكۋرسقا قابىلدانعان ماتەريال پلاگيات ەكەنى نەمەسە بۇرىن باسقا باسىلىمدا/ينتەرنەت-رەسۋرستاردا جاريالانعانى انىقتالعان جاعدايدا تۋىندايتىن قۇقىقتىق جاۋاپكەرشىلىك سول ماتەريالدى ۇسىنعان قاتىسۋشىنىڭ جاۋاپكەرشىلىگىندە بولادى.
2.5. قاتىسۋشى كونكۋرسقا جولداعان ماتەريالدارىمەن بىرگە ءوزىنىڭ تولىق اتى-ءجونىن, ناقتى مەكەنجايىن, ەلەكتروندى پوشتاسىن جانە تەلەفون ءنومىرىن كورسەتۋى ءتيىس.
2.6. قاعازدا سالىنعان تۋىندىلار «كاريكاتۋرا كونكۋرسىنا» دەگەن ايدارمەن مىنا مەكەنجاي بويىنشا قابىلدانادى: استانا قالاسى, 010000, «ەگەمەن قازاقستان» گازەتى كوشەسى 5/13.
ەلەكتروندى نۇسقاداعى فايلدار aidarbekg@mail.ru ەلەكتروندى پوشتاسىنا قابىلدانادى.
2.7. ماتەريالدارى كونكۋرسقا قابىلدانعان اۆتورلار وسى ەڭبەكتەرىن كونكۋرستان كەيىن «ەگەمەن قازاقستان» گازەتى (اۆتورىن كورسەتە وتىرىپ) ءوز ماقالالارىنا يلليۋستراتسيا رەتىندە پايدالانۋعا قۇقىلى ەكەنىنە كەلىسىم بەرەدى.
3. سىيلىقتار مەن ماراپاتتار
ءبىرىنشى ورىن – 300 مىڭ + ديپلوم
ەكىنشى ورىن – 200 مىڭ + ديپلوم
ءۇشىنشى ورىن – 100 مىڭ + ديپلوم
كونكۋرستىق كوميسسيانىڭ شەشىمىمەن قوسىمشا ىنتالاندىرۋ سىيلىقتارى بولۋى مۇمكىن.
