وتىرىستا «قازاقستان رەسپۋبليكاسىنىڭ كەيبىر زاڭنامالىق اكتىلەرىنە ساقتاندىرۋ جانە ساقتاندىرۋ قىزمەتى ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوباسى ءبىرىنشى وقىلىمدا ماقۇلداندى. زاڭ جوباسىن تالقىلاۋ كەزىندە دەپۋتاتتار شەتەلگە شىعاتىن كەزدەگى ءتۋريستى ساقتاندىرۋ ماسەلەسىنە باسا نازار اۋداردى. حالىق قالاۋلىلارىنىڭ پىكىرىنشە, شەتەلگە شىققاندا تۋريستەر ءوز پروبلەمالارىمەن وزدەرى عانا قالماۋى كەرەك. وسى ورايدا ءماجىلىس توراعاسى:
– ءبىزدىڭ كوپتەگەن ازاماتتارىمىز قازىرگى ۋاقىتتا ءوز دەمالىستارىن تۋريستىك جولداما بويىنشا شەتەلدە وتكىزەدى. ارينە ول جاقتا جۇرگەن كەزدە ءتۇرلى جاعدايلار بولۋى مۇمكىن. اۋىرىپ قالادى نەمەسە ۇشاققا بايلانىستى باسقا دا جاعدايلار ورىن الۋى مۇمكىن. بىراق تا ەڭ باستىسى – تۋريستىك جولداما بويىنشا شەتەلدە جۇرگەن ازاماتتارىمىزدى وسى كەزەڭدە تولىقتاي ساقتاندىرۋ كەرەك. سوندىقتان وسى ماسەلەنى ەكىنشى وقىلىمعا دەيىن قاراۋىمىز قاجەت, – دەدى.
اتالعان زاڭ جوباسى بويىنشا نەگىزگى بايانداما جاساعان ۇلتتىق بانك توراعاسى دانيار اقىشەۆ قولدانىستاعى زاڭ نەگىزىنەن ءتۋريستىڭ ەمەس, تۋروپەراتور مەن تۋراگەنتتىڭ م ۇلىكتىك مۇددەلەرىن قورعاۋعا باعىتتالعانىن, ەندىگى جەردە, وسى زاڭ جوباسىنا سايكەس, قازاقستاندىق تۋريستەردى قورعاۋ ماقساتىندا تۋريستىك فيرمالاردىڭ شەتەلگە شىعاتىن ءتۋريستى مىندەتتى ساقتاندىرۋىن جۇزەگە اسىرۋ كوزدەلىپ وتىرعانىن جەتكىزدى. ونىڭ ايتۋىنشا, وسى زاڭ جوباسى ەرىكتى ساقتاندىرۋ جۇيەسى, مىندەتتى ساقتاندىرۋ ءىسى, سونداي-اق ساقتاندىرۋ نارىعىنىڭ ينفراقۇرىلىمىن دامىتۋ بويىنشا ساقتاندىرۋ ۇيىمدارىنىڭ قىزمەتىن رەگلامەنتتەيتىن زاڭنامالىق اكتىلەردى كەشەندى تۇردە قايتا قاراۋدى كوزدەيدى. اتاپ ايتقاندا, ولار: مىندەتتى ساقتاندىرۋ جۇيەسىندە ونلاين-ساقتاندىرۋ تەتىگىن ەنگىزۋ, ساقتاندىرۋ شارتتارىن زاڭمەن ەمەس تاراپتاردىڭ كەلىسىمىمەن ايقىنداۋ, تۋريستەردىڭ تاۋەكەلدەرىن ساقتاندىرۋ جۇيەسىن قايتا قاراۋ, سونداي-اق ساقتاندىرۋ اگەنتتەرى قىزمەتىنىڭ اشىقتىعىن قامتاماسىز ەتۋ.
سونىمەن قاتار زاڭ جوباسىندا ەرىكتى ساقتاندىرۋ جۇيەسىندە زەينەتاقى اننۋيتەتتىك ساقتاندىرۋدى ودان ءارى دامىتۋ كوزدەلسە, ساقتاندىرۋ نارىعىنىڭ ينفراقۇرىلىمىن دامىتۋ جۇيەسىندە ساقتاندىرۋ تولەمدەرىنە كەپىلدىك بەرۋ تەتىگىن جەتىلدىرۋ, ساقتاندىرۋ ومبۋدسمەنىنىڭ قىزمەت اياسىن كەڭەيتۋ, ساقتاندىرۋ شارتتارى بويىنشا ەتالوندىق دەرەكقوردى قالىپتاستىرۋ, اكتۋارلىق قىزمەتتى دامىتۋ ۇسىنىلادى.
سونداي-اق جالپى وتىرىستا «قازاقستان رەسپۋبليكاسىنىڭ كەيبىر زاڭنامالىق اكتىلەرىنە مەنشىك قۇقىعىن قورعاۋدى كۇشەيتۋ جانە تورەلىك ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوباسى ءبىرىنشى وقىلىمدا ماقۇلداندى. اتالعان زاڭ جوباسى بويىنشا نەگىزگى باياندامانى ادىلەت ءمينيسترى مارات بەكەتاەۆ جاسادى.
جيىندا ايتىلعانداي, بۇل زاڭ جوباسى مىناداي ماسەلەلەردى كەشەندى شەشۋگە باعىتتالعان. بانكتىك قارىز بەرۋمەن جانە وعان قىزمەت كورسەتۋمەن بايلانىستى بانكتىك شوتتى جۇرگىزگەنى ءۇشىن, سونداي-اق بانكتىك شوتقا قارىزدى ەسەپكە جاتقىزعانى ءۇشىن كوميسسيا الۋعا تىيىم سالۋ ۇسىنىلادى.
بۇدان بولەك, كاسىپكەرلىك قىزمەتتى جۇزەگە اسىرۋمەن بايلانىستى ەمەس جانە جىلجىمايتىن م ۇلىك كەپىلىمەن قامتاماسىز ەتىلگەن يپوتەكالىق قارىز شارتتارى بويىنشا مەرزىمدى وتكىزىپ العانعا 180 كۇن وتكەننەن كەيىن ەسەپكە جاتقىزىلعان سىياقىنى الۋعا تىيىم سالۋدى بەلگىلەۋ قاراستىرىلادى.
ارنايى شوتتار بولعان كەزدە بالالاردى كۇتىپ-باعۋعا ارنالعان اليمەنتتىك تولەمدەرگە ءوندىرىپ الۋدى قولدانۋعا يممۋنيتەت بەلگىلەۋ, مەملەكەت مۇقتاجى ءۇشىن الىپ قويىلاتىن م ۇلىكتىڭ قۇنىنا تەڭ باعامەن وتەم جاساۋ نەگىزدەرىن بىرىزدەندىرۋ دە قارالعان.
ناقتىلاي ايتقاندا, زاڭ جوباسىندا مەملەكەت مۇقتاجى ءۇشىن الىپ قويىلاتىن م ۇلىكتىڭ قۇنىنا وتەم جاساۋ ءۇشىن تەڭ باعامەن وتەۋدىڭ شارتتارىن جاساۋ ارقىلى بىرىڭعاي نەگىزدەردى بەلگىلەۋ, اتاپ ايتقاندا: جەر ۋچاسكەسىن الىپ قويۋ كەزىندە وتەۋ مولشەرى م ۇلىكتىڭ نارىقتىق قۇنى بويىنشا ايقىنداۋ, مەملەكەت مۇقتاجى ءۇشىن م ۇلىكتى الىپ قويۋ كەزىندە وزگە جەر ۋچاسكەسىن بەرۋ جولىمەن «زاتتاي وتەۋ» (قۇندى وتەۋ بالاماسى) مۇمكىندىگى ۇسىنىلادى. سوتتالعان ادامنىڭ مۇلكىن ارنايى (زاتتاي) تاركىلەۋ ينستيتۋتىن ىسكە اسىرۋ ماسەلەلەرى دە قارالدى.
جالپى وتىرىستا, سونىمەن قاتار «قازاقستان رەسپۋبليكاسىنىڭ كەيبىر زاڭنامالىق اكتىلەرىنە كاسىپكەرلىك قىزمەتتى رەتتەۋدى جەتىلدىرۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوباسى مەن «قازاقستان رەسپۋبليكاسىنىڭ كەيبىر زاڭنامالىق اكتىلەرىنە حالىقتىڭ جۇمىسپەن قامتىلۋى جانە كوشى-قون ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوباسى ەكىنشى وقىلىمدا ماقۇلداندى. بۇل ەكى زاڭ جوباسى بويىنشا نەگىزگى باياندامالاردى سايكەسىنشە ءماجىلىستىڭ ەكونوميكالىق رەفورما جانە وڭىرلىك دامۋ كوميتەتىنىڭ مۇشەسى ساكەن وتەباەۆ پەن الەۋمەتتىك-مادەني دامۋ كوميتەتىنىڭ مۇشەسى كارىباي مۇسىرمان جاسادى.
سونىمەن قاتار وتىرىس بارىسىندا قازاقستان رەسپۋبليكاسى ورتالىق سايلاۋ كوميسسياسىنىڭ مۇشەسى ناتاليا گودۋنوۆانىڭ وكىلەتتىگىن مەرزىمىنەن بۇرىن توقتاتۋ تۋرالى قاۋلى قابىلداندى.
پلەنارلىق وتىرىستىڭ سوڭىندا دەپۋتاتتار ورتالىق مەملەكەتتىك ورگانداردىڭ باسشىلارىنا بىرقاتار دەپۋتاتتىق ساۋالدار جولدادى.
جولدىباي بازار,
«ەگەمەن قازاقستان»
