سەنات توراعاسىنىڭ ورىنباسارى سەرگەي گروموۆ ەكونوميكانىڭ, ساياساتتىڭ جانە قوعامدىق سانانىڭ جاڭعىرۋى جاعدايىندا ازاماتتىق قوعام ينستيتۋتتارىنىڭ ءرولى ارتا تۇسكەنىن اتاپ ءوتتى.
«100 ناقتى قادام» ۇلت جوسپارىن ىسكە اسىرۋ اياسىندا مەملەكەت پەن ازاماتتىق قوعام اراسىنداعى ۇنقاتىسۋ تەتىگى رەتىندە قۇرىلعان قوعامدىق كەڭەستەردىڭ رولىنە توقتالدى. بۇل مەملەكەتتىك ەمەس ينستيتۋتاتتار مەملەكەتتىك شەشىمدەردى قابىلداۋدىڭ ايقىندىعىن ارتتىرۋعا ارنالعان. بايانداماشىنىڭ ايتۋىنشا, ازاماتتىق قوعامدى باسقارۋعا قاتىسۋ دەڭگەيىن ارتتىرۋ ءۇشىن قوعامدىق كەلىسىمدەردىڭ, قوعامدىق باقىلاۋ جۇيەسىنىڭ قىزمەتىن ودان ءارى جەتىلدىرۋ كەرەك», دەدى س.گروموۆ.
سەنات توراعاسىنىڭ ورىنباسارى بيلىك ورگاندارىن ۇكىمەتتىك ەمەس ۇيىمدارمەن ءوزارا ءىس-قيمىلدىڭ جاڭا دەڭگەيىنە كوتەرىلۋگە شاقىردى, ول يدەيالار مەن ازاماتتىق باستامالاردىڭ كۇش-قۋاتىن ەلدەگى وتكىر ماسەلەلەردى شەشۋگە پايدالانۋعا مۇمكىندىك بەرەدى. ونىڭ ايتۋىنشا, الەۋمەتتىك باستامالاردى ىسكە اسىرۋدا, ازاماتتاردىڭ قۇقىقتارى مەن مۇددەلەرىن قورعاۋدا مەملەكەت پەن بيزنەستىڭ ۇكىمەتتىك ەمەس ۇيىمدارمەن ىنتىماقتاستىعىن قامتاماسىز ەتۋ ءۇشىن ورنىقتى قۇقىقتىق نەگىز جاسالۋى ءتيىس. سونداي-اق ۇكىمەتتىك ەمەس ۇيىمدار قىزمەتىندەگى جوبالاردىڭ, باعدارلامالاردىڭ ناتيجەلەرى مەن اسەرلەرىمەن قوسا الەۋمەتتىك-ەكونوميكالىق ىقپالىنا دا باعا بەرىلۋى ءتيىس.
سەناتتىڭ الەۋمەتتىك-مادەني دامۋ جانە عىلىم كوميتەتىنىڭ توراعاسى بىرعانىم ءايتىموۆا مەملەكەت باسشىسىنىڭ ء«تورتىنشى ونەركاسىپتىك رەۆوليۋتسيا جاعدايىنداعى دامۋدىڭ جاڭا مۇمكىندىكتەرى» اتتى قازاقستان حالقىنا جولداۋىندا ەلىمىزدىڭ الەۋمەتتىك-ەكونوميكالىق تابىستارىنىڭ نەگىزى رەتىندە ءبىزدىڭ باستى قۇندىلىقتارىمىز بولىپ وتىرعان ازاماتتىق الەمدى, ۇلتارالىق جانە كونفەسسياارالىق كەلىسىمدى اتاعانىن ەسكە سالدى. مەملەكەت تۇراقتىلىقتى ساقتاۋ, ەلىمىزدەگى كونفەسسياارالىق كەلىسىم مەن تولەرانتتىلىقتى نىعايتۋ جونىندە ناقتى شارالار قابىلدادى. قازاقستاندا رەسمي تىركەلگەن مەملەكەتتىك ەمەس ۇيىمداردىڭ قىزمەتىن قامتاماسىز ەتۋ ءۇشىن قاجەتتى جاعداي جاسالعان. سەناتور سونىمەن بىرگە قازىرگى كەزدە مەملەكەتتىك الەۋمەتتىك تاپسىرىس سالاسىنداعى زاڭناما جەتىلدىرۋدى تالاپ ەتەتىنىن اتاپ ءوتتى.
«مەملەكەتتىڭ ۇكىمەتتىك ەمەس ۇيىمداردى قولداۋى ازاماتتىق سەكتوردىڭ الەۋمەتتىك-ەكونوميكالىق مىندەتتەردى شەشۋگە قاتىسۋىنىڭ تيىمدىلىگىن ارتتىرۋعا ىقپال ەتەتىنىن الەمدىك تاجىريبە كورسەتىپ وتىر. قوسىمشا مەملەكەتتىك قۇرىلىمدار جاساعانشا مەملەكەتكە ءوز تاراپىنان ايقىن, ناقتى جانە باقىلاناتىن مىندەتتەمەلەردى ايىرباستايتىن مەملەكەتتىك ەمەس كوممەرتسيالىق ەمەس ۇيىمدارعا قارجى ءبولۋ تيىمدىرەك بولۋدا», - دەدى ب.ءايتىموۆا.
دوڭگەلەك ۇستەلگە قاتىسۋشىلار الدىندا ءدىن ىستەرى جانە قوعامدىق كەلىسىم ءمينيسترى نۇرلان ەرمەكباەۆ ءسوز سويلەدى.
تالقىلاۋعا ءدىن ىستەرى جانە قوعامدىق كەلىسىم ءمينيسترىنىڭ ورىنباسارى ابزال نۇكەنوۆ, «ايماق» قوعامدىق قورىنىڭ پرەزيدەنتى ايگۇل سولوۆەۆا, قاراعاندى وبىلىسى اكىمىنىڭ ورىنباسارى جاندوس ابىشەۆ, كاسىپوداقتار فەدەراتسياسى توراعاسىنىڭ ورىنباسارى ەرلان سايىروۆ, «قازاقستان-2050» جالپى ۇلتتىق قوزعالىسى كەڭەسىنىڭ توراعاسى مۇحتار مانكەەۆ, «قازاقستانداعى پارلامەنتاريزمدى دامىتۋ قورى» قق پرەزيدەنتى زاۋرەش باتتالوۆا, ازاماتتىق قوعامدى دامىتۋ اسسوتسياتسياسىنىڭ اتقارۋشى ديرەكتورى ءجاميلا اسانوۆا جانە باسقالار تالقىلاۋعا قاتىستى.
قازىرگى كەزدە پارلامەنت ءماجىلىسىنىڭ قاراۋىندا جاتقان «قازاقستان رەسپۋبليكاسىنىڭ كەيبىر زاڭنامالىق اكتىلەرىنە كوممەرتسيالىق ەمەس ۇيىمداردىڭ قىزمەتى ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوباسى پىكىرسايىس تاقىرىپتارىنىڭ بىرىنە اينالدى. مەملەكەتتىك ورگاندار مەن ۇكىمەتتىك ەمەس ۇيىمداردىڭ اراسىنداعى ءوزارا ءىس-قيمىل ماسەلەلەرى قوزعالدى. اتاپ ايتقاندا, قوعامدىق كەڭەستەردىڭ مىندەتتەرى, ۇكىمەتتىك ەمەس ۇيىمداردىڭ الەۋمەتتىك ارىپتەستىگىن نىعايتۋ, مەملەكەتتىك الەۋمەتتىك تاپسىرىس ساپاسىن ارتتىرۋ, ۇكىمەتتىك ەمەس ۇيىمدارعا گرانتتار ءبولۋ, «رۋحاني جاڭعىرۋ» باعدارلاماسى اياسىندا «اتامەكەن» باعدارلاماسىن ىسكە اسىرۋ تۋرالى اڭگىمە ءوربىدى.
دوڭگەلەك ۇستەل وتىرىسىندا پارلامەنت دەپۋتاتتارى مەن باسقا دا قاتىسۋشىلار تالقىلانىپ وتىرعان تاقىرىپ بويىنشا ءوز ويلارىن ورتاعا سالدى. ازاماتتىق قوعامدى دامىتۋ جانە ونىڭ قۇقىق قولدانۋ تاجىريبەسى ماسەلەلەرى بويىنشا زاڭنامانى جەتىلدىرۋ تۋرالى ناقتى ۇسىنىستار ايتىلىپ, ءتيىستى مەملەكەتتىك ورگاندار مەن مۇددەلى ۇيىمدارعا جىبەرىلەتىن بولدى.
