مەرەكەلىك شاراعا ءوڭىر باسشىسى ب.ساپارباەۆ قاتىستى.
- بارلىق بالالار باقىتتى بولۋى كەرەك. قازاقستاننىڭ تاۋەلسىزدىك جىلدارىندا ەلباسىنىڭ باسشىلىعىمەن بۇل باعىتتا ۇلكەن جۇمىستار اتقارىلدى. ءبىز, ەرەسەكتەر بالالارىمىزدىڭ جۇزدەرىنەن كۇلكى كەتپەيتىن ساتتەردى, دەنساۋلىعىن ساقتاۋعا, سپورتتى, مادەنيەتتى, ونەردى يگەرۋگە, لايىقتى ءبىلىم الۋعا مۇمكىندىك بەرەتىن بارلىق جاعدايلاردى جاساۋعا مىندەتتىمىز. سوندىقتان 2018 جىلى اقتوبە وبلىسىندا «بالا جىلى» دەپ جاريالاندى, - دەدى وبلىس اكىمى.
- ءاربىر بالا نازاردان تىس قالماۋدى, تاربيە الۋدى جانە قامقورلىقتى قاجەت ەتەدى. وسى جوبامەن ءبىز بارلىق ەلدى مەكەندەردى قامتيتىن بولامىز, ءبىزدىڭ ايماعىمىزدىڭ بىردە-ءبىر بالاسى نازاردان تىس قالماۋى ءتيىس», - دەدى وبلىس باسشىسى.
«نۇر اقتوبە» تۇرعىن ءۇي كەشەنىندەگى ۇيدەن بالالار ءۇيىنىڭ 3 تۇلەگىنە پاتەر كىلتتەرىن تابىس ەتكەن وبلىس اكىمى ء«بىرىنشى كەزەكتە, بيلىكتىڭ بارلىق قولداۋى مۇگەدەك بالالارعا جانە اتا-اناسىنىڭ قامقورلىعىنسىز قالعان بالالاردى قولداۋعا باعىتتالاتىن بولادى», - دەپ اتاپ ءوتتى بەردىبەك ساپارباەۆ
اسەرلى ساتتەردىڭ العاشقى كۋاگەرى العا بالالار ءۇيىنىڭ تۇلەگى لاريسا زاحاروۆا پاتەر يەلەرىنىڭ ءبىرى بولدى.
- «مەن وتە باقىتتىمىن. وسى ءساتتى ءبىز 10 جىلدان استام كۇتتىك. مەملەكەتتىڭ قيىن ومىرلىك جاعدايعا تاپ بولعان ادامدار تۋرالى ۇمىتپاعانى قۋانتادى», - دەپ العان اسەرىمەن ءبولىستى.
مەرەكەلىك ءىس-شارا 19 جەتىم بالانىڭ تۇرعىن ءۇي قۇرىلىس جيناق جۇيەسى ارقىلى ءبىرىنشى جارناسىنا قولما-قول اقشا سالۋ كۋالىكتەرىنىڭ تۇساۋكەسەرىمەن جالعاستى. بۇل پاتەرلەرگە جەرگىلىكتى كاسىپكەرلەر مەن ەڭبەك ۇجىمدارى قارجى سالىپ, كومەكتەسەدى. اقتوبەدە تۇرعىن ۇيگە مۇقتاج 372 بالا بار, ولاردىڭ 258-نە دەمەۋشىلىك كومەك كورسەتۋ بەكىتىلدى.
ءىس-شارا مەرەكەلىك كونتسەرتپەن جانە اسپانعا اۋە شارلارىن ۇشىرۋمەن اياقتالدى.
«باقىتتى بالا» جوباسى 8 بلوكتان تۇرادى. ونى جۇزەگە اسىرۋعا يۋنيسەف, بۇۇدب, قايىرىمدىلىق قورلارى, حالىقارالىق قوعامدىق ۇيىمدارى, سونداي-اق قازاقستان رەسپۋبليكاسىنىڭ ءبىلىم جانە عىلىم مينيسترلىگى قولداۋ كورسەتەدى.
جوبا شەڭبەرىندە بارلىق بالاباقشالار مەن مەكتەپتەردى ينتەراكتيۆتى جابدىقپەن جابدىقتاۋ جوسپارلانىپ وتىر. وبلىستىق پەريناتالدى ورتالىق, بالالار ستوماتولوگيالىق كلينيكاسى, مۇمكىندىگى شەكتەۋلى بالالارعا ارنالعان ساۋىقتىرۋ ورتالىعى, جىل بويى وقۋ-جاتتىعۋ لاگەرلەرى, سونداي-اق 160 بالالار مەن 100 سپورت الاڭدارى جانە تاعى باسقا كوپتەگەن ءبىلىم بەرۋ جانە دەنساۋلىق ساقتاۋ نىساندارى سالىنادى.
اتا-اناسىنىڭ قامقورلىعىنسىز قالعان بالالاردى جان-جاقتى قولداۋعا ەرەكشە نازار اۋدارىلاتىن بولادى. 77 بالا دەمەۋشىلەر كومەگىمەن مەملەكەتتىك تۇرعىن ءۇي قورى ەسەبىنەن باسپاناعا يە بولادى. بالالار ءۇيىنىڭ تاعى 200 تاربيەلەنۋشىسى شوب سۋبەكتىلەرىنەن جانە مەملەكەتتىك ورگانداردان قاجەتتى كومەك الادى.
