ءىىم زاڭسىز كوشى-قونعا قارسى ءىس-قيمىلعا جانە زاڭسىز ميگرانتتاردى انىقتاۋعا باعىتتالعان «ميگرانت» جەدەل-پروفيلاكتيكالىق ءىس-شاراسىنىڭ قورىتىندىسىن شىعاردى.ء ۇش كۇن ىشىندە پوليتسيانىڭ موبيلدىك توبى ەلىمىزگە كەلۋ ءتارتىبىن بۇزعان 7 مىڭ شەتەلدىكتى انىقتاپ, اكمىشىلىك جاۋاپكەرشىلىككە تارتتى.
سوت شەشىمى بويىنشا 1000 شەتەلدىك ەلدەن شىعارىلىپ, 700 ادام قابىلداۋ-ءبولۋ ورىندارىنا اكەلىندى. شەتەلدىك جۇمىس كۇشتەرىن تارتۋ جانە پايدالانۋ ەرەجەسىن بۇزعان 269 جۇمىس بەرۋشى جاۋاپكەرشىلىككە تارتىلدى.
- كوشى-قون, كريمنينالدىق جانە اكىمشىلىك پوليتسيا قىزمەتكەرلەرىنىڭ جۇمىسى ناتيجەسىندە كوشى-قون زاڭىن بۇزعان ءۇشىن سوتقا دەيىنگى تەرگەۋدىڭ بىرىڭعاي تىزىلىمىنە 78 قىلمىستىق قۇقىق بۇزۋشىلىق تىركەلدى, دەپ اتاپ ءوتتى ءىىم كوشى-قون قىزمەتى كوميتەتىنىڭ توراعاسى مۇرات قابدەنوۆ. – ىزدەۋدە بولعان 14 قىلمىسكەر ۇستالدى, ونىڭ ىشىندە 4-ءۋى تمد ازاماتى.
كوشى-قون زاڭناماسىن بۇزعانى ءۇشىن بارلىعى 3 مىڭنان استام شەتەلدىكتىڭ ەلىمىزدە ۋاقىتشا بولۋ مەرزىمى قىسقارتىلدى.
