كەڭسە باسشىسى ءا.قارجاۋوۆا مۇندا ەلباسى باعدارلاماسىنىڭ جۇزەگە اسۋىن ۇيىمداستىرۋ جۇمىستارى جۇرگىزىلەتىنىن ايتادى. اۋداندىق بالالار كىتاپحاناسىندا ورنالاسقان كەڭسە ينتەرنەت جۇيەسىمەن, قاجەتتى تەحنيكالىق قۇرالدارمەن قامتىلعان. مادەنيەت, ءبىلىم بەرۋ, كاسىپكەرلىك, سپورت بولىمدەرىنىڭ ماماندارى, ۇكىمەتتىك ەمەس ۇيىمداردىڭ, جاستار ۇيىمدارىنىڭ وكىلدەرى ءوزارا كۇش بىرىكتىرە وتىرىپ, جۇمىس جاساۋدى قولعا الىپ وتىر.
«رۋحاني جاڭعىرۋ» باعدارلاماسى اياسىندا ماقات اۋدانىندا وتكەن جىلى «اتامەكەن» ساياباعى مەن «اداي اتا» تاس جولى سالىنىپ, ەل يگىلىگىنە بەرىلدى, ەركىن كۇرەستەن ت.قۇسايىنوۆ اتىنداعى رەسپۋبليكالىق تۋرنير ءوتتى. ال بيىل مامىر ايىندا «جەڭىس» ساياباعى اشىلادى. جوسپارلانعان باسقا دا مادەني-كوپشىلىك, سپورتتىق شارالاردىڭ قاتارى كوپ.
باقىتگۇل باباش,
«ەگەمەن قازاقستان»
