قارجى باسقارماسىنىڭ بۇرىنعى باسشىسى سالاحاتدينوۆا ايگۇل باقىتجانقىزىنىڭ زەينەتكەرلىككە شىعۋىنا بايلانىستى, كونكۋرستىق كوسسيانىڭ شەشىمىنە جانە «100 ناقتى قادام» – ۇلت جوسپارىندا كورسەتىلگەن مەريتوكراتيا قاعيداسىنا سايكەس, باتىس قازاقستان وبلىسى قارجى باسقارماسىنىڭ باسشىسى لاۋازىمىنا يماشەۆ دۋلات باۋىرجان ۇلى تاعايىندالدى.
دۋلات يماشەۆ 1978 جىلى تۋعان, ءبىلىمى جوعارى. 1999 جىلى باتىس قازاقستان اۋىلشارۋاشىلىق ينستيتۋتىن «ەكونوميست مەنەدجەر» ماماندىعى بويىنشا تامامداعان. ءار جىلدارى باتىس قازاقستان وبلىستىق قارجى باسقارماسىندا جەتەكشى, باس مامان, قازاقستان رەسپۋبليكاسى دەنساۋلىق ساقتاۋ مينيسترلىگى مەديتسينالىق قىزمەتتىڭ ساپاسىن باقىلاۋ كوميتەتى باتىس قازاقستان وبلىسى بويىنشا باسقارماسىندا باس مامان, باتىس قازاقستان وبلىسى اۋىل شارۋاشىلىعى باسقارماسىندا ءبولىم باسشىسى, باسقارما باسشىسىنىڭ ورىنباسارى, باتىس قازاقستان وبلىسى ەكونوميكا جانە بيۋدجەتتىك جوسپارلاۋ باسقارماسىندا, باسشى ورىنباسارى قىزمەتتەرىن اتقارعان. بۇگىنگە دەيىن باتىس قازاقستان وبلىسى قۇرىلىس باسقارماسى باسشىسىنىڭ ورىنباسارى بولىپ ىستەگەن.
ال باتىس قازاقستان وبلىستىق مەملەكەتتىك الۋ باسقارماسىنا باسشى بولىپ نيەتقاليەۆا بيبىگۇل ابدىعاليقىزى تاعايىندالدى.
بيبىگۇل نيەتقاليەۆا 1973 جىلى دۇنيەگە كەلگەن, ءبىلىمى جوعارى. 1994 جىلى باتىس قازاقستان اۋىلشارۋاشىلىق ينستيتۋتىن «بۋحگالتەر ەكونوميست» ماماندىعى بويىنشا تامامداعان. ءار جىلدارى باتىس قازاقستان وبلىسى ورال قالالىق قارجى ءبولىمىنىڭ باس مامانى, سەكتور مەڭگەرۋشىسى, ءبولىم باسشىسىنىڭ ورىنباسارى, باتىس قازاقستان وبلىسى ورال قالاسىنىڭ ەكونوميكا جانە بيۋدجەتتىك جوسپارلاۋ ءبولىمىنىڭ باسشىسى بولعان ب.نيەتقاليەۆا بۇگىنگە دەيىن باتىس قازاقستان وبلىسى مەملەكەتتىك ساتىپ الۋ باسقارماسى باسشىسىنىڭ ورىنباسارى لاۋازىمىن اتقارىپ كەلگەن ەدى.
قازبەك قۇتتىمۇرات ۇلى,
«ەگەمەن قازاقستان»
